Sizwe Sibiya
Emasontweni amabili edlule, iculo lama-piano elithi “Abo Mvelo” lisalokhu lihamba phambili emashadini omculo.
Noma lingenayo ngisho nevidiyo yomculo esikhishiwe kodwa ihlezi endaweni yokuqala eshadini le-ITunes eliphezulu lezingoma ezingu-100 iphinde ibe kwinombolo yesibili eshadini lomculo ku-YouTube. Le ngoma kaDaliwonga Matiwane ayicula noSleazy, uM.J kanye noMellow iphume ngomhlaka-18 kuNdasa.
Selokhu ikhishiwe le ngoma ishisa izikhotha, amasonto elandelana kanti ayikho nengoma eyodwa yama-piano ephazamisa le ngoma.
Lo mfana oneminyaka engu-27 wase-Diepkloof e-Soweto, e-Gauteng, ophinde abe ngumfowabo omncane kaSir Trill naye ocula ama-piano, akakayikhiphi ividiyo yale ngoma eshisa izikhotha kodwa uveze isithombe esithathwe abalandeli ngephutha njengevidiyo yakhe.
Njengoba uDaliwonga enabalandeli abangu-35,000 kwi-akhawunti yakhe ye-YouTube, ingoma yakhe ethi “Abo Mvelo” isibukwe abantu abangaphezulu kuka-1.5 million selokhu yafakwa ezindaweni ezinezingoma ezihamba phambili.
Umthombo wesithombe: YouTube https://youtu.be/zGcrYxWB_As
.
