ICity ibuyise isithunzi sayo ishaya i-Southampton ngo-5-2

Timmy T Maranda

Noma ngabe iManchester City yahlulwa ngamagoli amabili eqandeni ngesikhathi ibhekene neManchester United ngeSonto, ikwazile ukubuyisa isithunzi sayo sokuba ngompetha, ngesikhathi ishaya i-Southampton ngamahlanu kwamabili ngoLwesine.

Amagoli amabili ashaywe nguKevin De Bruyne kwathi amanye amagoli amabili wona ashaywa nguRiyad Mahrez, kanye negoli elishaywe ngu-Ilkay Guendogan, e-Etihad Stadium e-Manchester asize iCity ukuthi izihlenge ngemuva kokuba i-United iqede irekhodi lemidlalo yalo ongama-28 wokungahlulwa.

Ukunqoba kweCitizens kuqinise indawo yabo phezu kwetafula le-log futhi kwandise igebe laba ngamaphuzu ayi-14 ngaphambi kweManchester United esendaweni yesibili.

UPhil Foden uthe ukulahlekelwa yi-Manchester derby kube nzima ukwamukela futhi uthi kubalulekile ukuthi babuyele ezindleleni zabo zakudala zokuba ngompetha abawina njalo.

“Bekungekuhle ukulahlekelwa yi-derby. Kodwa sigoqe imikhono sabuyela ezindleleni zethu zokuwina,” kusho uFoden ekhasini le-Twitter le-Manchester City.

“Bekubaluleke kakhulu ukuthi sibuyele emgqeni namuhlanje.”

Umthombo wesithombe: @SouthhamptonFc