Lubhalwe nguDoreen Mokgolo
Abasolwa abane bavele eNkantolo ngemuva kokubanjwa nemoto ebiduniwe emzini womzukulu kaNelson Mandela.
Amaphoyisa athole iToyota Corolla eyebiwe kanye nesibhamu esingekho emthethweni endaweni yase-Houghton.
Abasolwa abane ababanjwe nomzukulu kaNelson Mandela ecaleni lokudunwa kwemoto bavele eNkantolo yeMantshi yaseGoli ngoLwesihlanu.
INkantolo iyalele ukuthi abasolwa bangadalulwa amagama abo noma baqoshwe kuze kube amaphoyisa enza umbukiso womazisi ngale mpelasonto. Icala lihlehliselwe umhlaka-17 kuMasingana ukuze kuphenywe kabanzi nokuthi kungenzeka bafake izicelo zebheyili.
Umzukulu kaMandela akazange abekwe icala futhi ubengeyona ingxenye yabasolwa abane. Ucele i-Legal Aid ukuthi immele.
Abasolwa babhekene necala lokudunwa kwemoto nesibhamu esingekho emthethweni.
Amaphoyisa kamasipala waseGoli abophe leli qembu ngoLwesithathu ngemuva kokuthi inkampani ye-tracker ibatshele ukuthi bangayithola kuphi iToyota Corolla emhlophe.
Imoto ibidunwe ku-Louis Botha Avenue. Amaphoyisa alandele umkhondo wayo ayithola kwaMandela e-Houghton, nalapho athola khona isibhamu esingekho emthethweni.
Esithombeni esingenhla: Umuzi kaNelson Mandela e-Houghton.
Umthombo: Sithunyelwe