Lungani Zungu
UCarl Niehaus, owaboshwa bukhoma kumabonakude ngezinsolo zokweqa imithetho ye-Covid-19 ngenyanga edlule, uzobuyela enkantolo ngomhla zingama-22 nangomhla zingama-23 kuLwezi.
Othembekile kuJacob Zuma futhi owayengumkhulumeli we-MK Veterans Association esihlakazekile uvele eNkantolo yeMantshi yase-Estcourt ngoLwesithathu.
Ubengomunye wabantu ababehlangene ngaphandle kwejele lase-Estcourt, lapho uZuma abedonsa khona isigwebo sakhe sezinyanga eziyishumi nanhlanu ejele ngenyanga edlule.
UZuma ungeniswe esibhedlela esingaphandle emasontweni amabili edlule lapho ahlinzwe khona ngoMgqibelo.
Waboshelwa ukwephula imithethonqubo ngokwethula inkulumo eqenjini labalandeli bakaZuma ngaphandle kwejele lase-Estcourt ngemuva kokuboshwa kukaZuma ngenyanga edlule.
Wabe esededelwa ngebheyili yemali eyizi-R2,000.
Yize kunobufakazi obuqinile, uNiehaus umile kwelokuthi akanacala.
Uthe la macala “aqanjiwe”.
Ngisho nangenkathi amaphoyisa emnika ithuba lokuthi akhokhe inhlawulo yokuvuma icala yemali eyizi-R3,000, wakhetha ukuyolwa enkantolo.
UNiehaus usalokhu emisiwe kwi-ANC ngokusabisa uhulumeni kaRamaphosa ngokungazinzi kanye nokudala izinxushunxushu uma uZuma eboshwa.
Bekunamaphoyisa amaningi ngaphandle kwenkantolo ngoLwesithathu.
Idlanzana labasekeli bakhe bebekhona ukuzomeseka.
Umthombo wesithombe: @PresJGZuma