Ukudayiswa kwabadlali bebhola: Joyina uRazeen Gutta embikweni wakhe wamasonto onke wokufuduka kwabadlali okwenzeka kuleli naseYurophu.
Ukushiya kukaDavid de Gea ku-Manchester United kubavulele ithuba lokusayina u-Andre Onana we-Inter.
Intshisekelo yamaRed Devils yokufuna umdlali uHarry Kane isamile okwamanje njengoba i-Bayern Munich isifake isicelo sokufuna ukaputeni we-England.
EYurophu
Izicelo ezimbili zokufuna uKane yiqembu le-Bayern Munich sezichithiwe, okubalwa nesicelo sika-£70 million (R1.4 billion) ngokukaFabrizio Romano, “okuyinto i-Spurs engazimisele ukuyamukela”.
Lo mdlali (29) kubikwa ukuthi usevumelene ngemibandela yomuntu siqu ne-Bayern ngemuva kokuthi umphathi uThomas Tuchel evakashele lo mgadli emzini wakhe ukuzoxoxa ngalo msebenzi.
UKane ekuqaleni wayehlotshaniswa kakhulu nokuthuthela e-Manchester United nokho ezika-Erik ten Hag zibukeka zinentshisekelo enkulu yokusayinisa unozinti kulandela ukuhamba komdlali wabo ovelele obegqoka inombolo yokuqala, uDe Gea.
Isicelo sokuqala se-United sika-£38 million (R760 million) sokuthenga u-Onana sanqatshwa, kanti i-Inter yazisa lo mdlali wase-Cameroon (27) ngo-£51 million (R1 billion).
I-Sky Sports ibika ukuthi ukuvumelana phakathi kwamaqembu sekungenzeka noma yinini njengoba kudingidwa “izingxoxo ezethembisayo” kuleli sonto.
Ngasohlangothini lwase-Italy, ukudayiswa kuka-Onana kungaba nomthelela ezinhlelweni zabo zokubuyisa uRomelu Lukaku unomphela eqenjini esuka ku-Chelsea.
Ngokombiko we-GOAL, i-Inter idinga imali ekuhambeni kuka-Onana ukuze ikwazi ukukhokha u-£40 million (R800 million) ofunwa i-Chelsea ngomgadli wase-Belgium.
UChristian Pulisic umdlali waseMelika usekulungele ukuqeda iminyaka yakhe emine eqenjini ngokuthuthela ku-AC Milan.
Lesi sivumelwano sisalinde isimemezelo ngokwemibiko eminingi, ngemali engu-£20 million (R400 million) osekuvunyelwene ngayo phakathi kwamaqembu.
Ohlangothini le-Saudi Arabia, abadlali ababili abasezingeni eliphezulu basazokwamukela izinkontileka ezinkulu.
UPaul Pogba kunamahlebezi okuthi uyalichitha leli qembu futhi angase ahlale ku-Juventus njengoba enethemba lokungena eqenjini lase-France elizodlala kuma-European Championships ngonyaka ozayo.
Khonamanjalo, uHakim Ziyech we-Chelsea usenqabile isicelo se-Al-Nassr ngemuva kokuthi iqembu linikeze lo mdlali isivumelwano esibuyekeziwe esivela kudokotela wakhe. I-Al Ahli isanentshisekelo ngowase-Morocco njengoba kungenzeka ukuthi lo mdlali (30) asuke e-London.
ENingizimu Afrika
Ezindabeni zakuleli, i-Philadelphia Union FC edlala ku-MLS ilwisana neMamelodi Sundowns ngokusayinisa u-Olwethu Makhanya we-Stellenbosch.
Lo mdlali wasemuva (19) ujabulele isizini enhle ku-PSL futhi utshele i-Diski Times ukuthi ukudlala phesheya kuyinto okumele ayibheke kakhulu, kungaba ngesizini ezayo noma kamuva.
Khonamanjalo owayengumdlali weSundowns, u-Andile Jali usezobuyela esigabeni esiphezulu njengoba kubikwa ukuthi amaqembu afana ne-Orlando Pirates neMoroka Swallows ayamfuna lo mdlali.
Umbiko wakamuva ophuma kwi-FarPost ukhomba ukuthi i-Cape Town City manje iyizintandokazi zokusayinisa lo mdlali wasesiswini yize sekusele kancane ukuthi kuvunyelwane ngesivumelwano.
Esithombeni esingenhla: U-Andre Onana
Umthombo wesithombe: @brilafm889