Ezemidlalo: IBafana Bafana idlala ne-Zimbabwe eThekwini namuhla ebusuku njengoba ibheke ukuphindela phezulu eqoqweni layo leNdebe yoMhlaba.
IBafana Bafana izodlala ne-Zimbabwe eMoses Mabhida Stadium, eThekwini ngoLwesihlanu ebusuku. Badinga ukunqoba ukuze babuyele esicongweni.
Iqembu likamqeqeshi uHugo Broos lilahle amaphuzu amathathu ngokudlalisa uTeboho Mokoena kungamele. Manje bahlezi ngokulingana ne-Benin ngamaphuzu angu-14. Basemuva ngomehluko wamagoli. Umdlalo ne-Zimbabwe ubalwa njengowasekuhambeni.
Kodwa uzodlalelwa eThekwini ngoba i-Zimbabwe ayinayo inkundla eyanele.
IBafana kumele inqobe ukuze ibuyele endaweni yokuqala ngaphambi kokuthi idlale neRwanda ngoLwesibili. Iqembu eliqede kuqala liya ngqo kwiNdebe Yomhlaba ka-2026.
NgoLwesihlanu ngomhlaka-10 kuMfumfu
INingizimu Africa izobhekana ne-Zimbabwe ngo-18:00
Indawo: Moses Mabhida Stadium, eThekwini
➜Amaqembu amane ebhola lombhoxo aseNingizimu Afrika adlalela kude nasekhaya kule mpelasonto ku-Ultimate Rugby Championship. Amaqembu asekuhambeni asanqobe kanye kuphela emidlalweni engu-14 kuze kube manje. AmaBhokobhoko ajoyina amaqembu awo ngemuva kokunqoba iCastle Lager Rugby Championship e-London ngempelasonto edlule.
AmaSharks abhekene nomdlalo onzima kunayo yonke lapho ebhekene nompetha abavikela isicoco i-Leinster e-Dublin. AmaStormers azohambela e-Scarlets noSacha Feinberg-Mngomezulu noDamian Willemse emuva. AmaBulls asabheke ukunqoba okokuqala ngemuva kokuhlulwa kabili. AmaBulls azodlala ne-Ulster e-Belfast kanti abadlali abaningi sebebuyile. UHandre Pollard udlala umdlalo wakhe wokuqala emuva.
NgoLwesihlanu ngomhlaka-10 kuMfumfu
I-Munster izobhekana ne-Edinburgh ngo-20:45
I-Scarlets ibhekane ne-Stormers ngo-20:45
NgoMgqibelo ngomhlaka-11 kuMfumfu
I-Benetton izobhekana nama-Lions ngo-16:00
I-Ospreys izobhekana ne-Zebre Parma ngo-16:00
I-Glasgow Warriors izobhekana nama-Dragons ngo-18:30
I-Leinster izobhekana nama-Sharks ngo-18:30
I-Ulster izobhekana nama-Bulls ngo-20:45
I-Cardiff izobhekana ne-Connacht ngo-20:45
Esithombeni esingenhla: IBafana Bafana ngesikhathi iziqeqesha.
Umthombo wesithombe: @BafanaBafana