Dylan Bettencourt
I-Zimbabwe iphumile kwi-Afcon futhi ayikuqinisekisi ukuthi izoqhubeka nokubamba iqhaza ebholeni njengoba kunamahlebezi okuthi inhlangano yebhola i-FIFA ihlela ukuyimisa.
Ukuhlulwa kwayo i-Malawi ngoLwesihlanu kuchaza ukuthi i-Zimbabwe angeke iqhubekele esigabeni esilandelayo salo mncintiswano yize isaselelwe umdlalo ophakathi kwayo ne-Guinea.
Ngaphambi kokuthi eye-Afcon iqale vele bekunokungabaza ngokubamba iqhaza kwe-Zimbabwe, njengoba bekulindeleke ukuthi i-FIFA izobhekana nabo kanzima futhi lolo songo lusamile.
I-FIFA iphenya i-Zimbabwe ngokugxambukela kukahulumeni ezindabeni zebhola, njengoba ukwephulwa komthetho kuyinto i-FIFA engasinisi amahleza kuyo.
I-FIFA ixwayise i-Zimbabwe’s Sports and Recreation Commission (i-SRC) ukuthi isizwe sizomiswa kuyo yonke imidlalo yebhola uma siqhubeka nokugxambukela ezindabeni zenhlangano yebhola yase-Zimbabwe.
Nokho i-SRC ikhethe ukusishaya indiva lesi sixwayiso njengoba izimisele ngokususa izikhulu ezinenkohlakalo enhlanganweni yebhola yakuleliyazwe, futhi ithi ayikusabi ukujeziswa engahle ibhekane nakho.
Emasontweni ambalwa azayo i-FIFA ingahle imise i-Zimbabwe, okusho ukuthi alikho iqembu labo lebhola likanobhutshuzwayo, elizokwazi ukuncintisana kunoma yimiphi imiqhudelwano ye-FIFA, kubalwa namaqembu amancane.
Iqembu le-Zimbabwe lisakhula emdlalweni kanobhutshuzwayo wezwekazi le-Africa, njengoba langena emiqhudelwaneni emibili edlule ye-Afcon lilenani elimangalisayo labadlali abasakhulayo kulo mdlalo.
Ukumiswa kwabo yi-FIFA kusabisa ngokuphazamisa wonke umsebenzi wabo omuhle abawenzile kule minyaka embalwa edlule.
Ngaphambi kokuxwayiswa ngokumiswa i-Zimbabwe ibivele isenkingeni. Izihlabani zabo ze-Premier Soccer League (i-PSL) zisale ngemuva emqhudelwaneni we-Afcon. Umdlali wabo, uKhama Billiat, ushiye iqembu lesizwe ngaphambi kokuthi umqhudelwano uqale.
I-Zimbabwe ayikaze iwine kusukela ngoNdasa wonyaka odlule futhi isidlale imidlalo engu-14 ingawini.
Umthombo wesithombe: @SportingNews