Dylan Bettencourt
I-World Bank kanye nezinhlaka ezintathu zikahulumeni waseNtshonalanga zimemezele ukuthi zizonikela ngezimali zokukhiqiza umuthi wokugoma i-Johnson & Johnson eNingizimu Afrika.
“Ngicabanga ukuthi lokhu kubaluleke kakhulu. Esikhathini esifushane, lokhu kusho ukutholakala okukhulu komuthi wokugoma, okhiqizwe e-Afrika futhi owase-Afrika,” kusho uGayle Smith, oxhumanisa isu lokugoma loMnyango Wezangaphandle eMelika.
“Lokhu kusho nokukhuphuka kwamandla ezwekazi okukhiqiza ezinye izinhlobo zemithi esikhathini esizayo.”
Le nkontileka emenyezelwe ngoLwesithathu, ilinganiselwa ukuthi ingabiza cishe izigidigidi ezingu-R10.2 kanti izokhokhela ukukhiqizwa kwemithamo eyizigidi ezingama-500 yomuthi wokugoma.
I-Aspen Pharmacare Holdings Ltd, inkampani yezemithi yaseNingizimu Afrika, izokhiqiza imishanguzo ngasekupheleni kwezi-2022.
Kuzokhiqizwa imithamo eyizigidi ezingama-30 ezosetshenziswa eNingizimu Afrika ekupheleni konyaka, kwizigidi ezingama-250 ezizokhiqizwa ngasekupheleni konyaka.
Imali yokukhiqiza umuthi wokugoma i-J & J izoqhamuka kwa-International Finance Corp, okuyinhlangano esebenzisana ne-World Bank.
Izinhlaka ezintathu zikahulumeni ezizoxhasa i-US International Development Finance Corp, i-DEG yaseJalimani kanjalo ne-Proparco SA yase-France.
Lezi yizindaba ezimnandi kubantu baseNingizimu Afrika ababone ukukhishwa kancane komuthi wokugoma okuvela kuhulumeni. Bangu-5.16% kuphela abantu abagonyiwe.
Kuzokhiqizwa imijovo yokugoma eyizigidi ezi-3, 266, 636 ukuze izigidi zabantu ezingama-30 ezihlosiwe zigonywe ekupheleni konyaka, kubaluleke kakhulu esizweni.
Umthombo wesithombe: @BusinessLIVE
.
