Arthur Greene
Njengoba uMaster KG kanye noKendrick Lamar bebusa eNingizimu Afrila kule nyanga i-Ukraine ikhiphe ingoma ehluke kakhulu eculwa i-rock ballad eqondiswe endizeni yezimpi yase-Turkey.
Ingoma ethi-Bayraktar eqanjwe ngendiza yokulwa ye-Bayraktar TB2 eyenziwe e-Turkey ikhiqize inqwaba yamavidiyo asakazwayo kusukela kwahlasela i-Russia ngomhlaka-24 kuNhlolanja.
Kulama vidiyo awekho ahamba phambili ngohlelo olukhishwe ithimba lamasosha aphambili kuleli sonto.
Ividiyo yomculo wesitayela sochwepheshe ikhombisa iqembu lamasosha liphume ligqoke umfaniswano wezimpi ophelele kufakwe nezibhamu njengoba leli qembu limi endaweni okubonakala sengathi ingcwaba lapho kugcwele khona uhlobo lwezimoto esezingasebenzi ezibizwa ngombayimbayi zase-Russia.
Ngenkathi umdlali we-accordian i-violinist kanye nomdlali we-bassist benza ngemuva kwabo abaculi bacula ngenjabulo ngokuthi umshini wempi onamandla wase-Turkey ulwe kanjani nebutho lase-Russia.
“Abahlaseli beza kithi e-Ukraine begqoke imfaniswano emisha. Kodwa i-inventory yabo yancibilika ngokwengxenye ngokusho kwengoma ebizwa nge-Bayraktar.
Empeleni leli culo laqanjwa isosha lase-Ukraine elibizwa ngokuthi uTaras Borovok elacelwa umbutho wezempi wakuleliya lizwe ukuba libhale ingoma emnandi ezohlanganisa izwe.
Ngokungangabazeki uBorovok wayiqamba.
Sekuphele amasonto amaningi leli culo lidume eziteshini zomsakazo zase-Ukraine kubikwa ukuthi belisetshenziswa osomahlaya ukuvimba ukuxhumana nomsakazo wase-Russia kanti nenja yamaphoyisa yase-Kyiv iqanjwe ngalo.
“Babefuna ukusihlasela ngenkani sacasuka nathi sazibambela mathupha. I-Russia yenziwa izipoki ze-Bayraktar.”