I-UK ivumele abaseSaudi Arabia ukuthi bathenge i-Chelsea

Dylan Bettencourt

UNgqongqoshe wezemidlalo wase-United Kingdom uNigel Huddleston uvumele i-Saudi Arabia ukuthi ithenge i-Chelsea.

Lokhu kwenzeka naphezu kwamarekhodi amabi aleliyazwe athinta ukuhlukunyezwa kwamalungelo abantu.

“Ubudlelwano be-UK ne-Saudi Arabia bubaluleke kakhulu,” kusho uHuddleston.

Umnikazi wamanje we-Chelsea u-Roman Abramovich ujeziswe nguhulumeni waseBrithani ngokuxhumana kwakhe noMengameli wase-Russia uVladimir Putin.

U-Abramovich usolwa ngokubandakanyeka kanye nokuthinteka emisebenzini eminingana engekho emthethweni ukuze athole isikhundla sakhe sokuba ngusozigidi – imisebenzi uhulumeni waseBrithani ayeyazi ngaphambi kokuba athenge iqembu lase-London ngo-2003.

Umbiko we-BBC uveze ukuthi u-Abramovich wayethinteka ekugetshengweni kwesitimela esigcwele udizili ngo-1992, ethenga inkampani ka-oyela ngezindali ezikhohlisayo ngo-1995 kanye nokuthunjwa okwenzeka e-Moscow kowayeqhudelana naye wase-China ngo-2002.

Naphezu kobugebengu obusobala buka-Abramovich, wavunyelwa ukuthenga i-Chelsea futhi manje usethengise iqembu ngemuva kokuthi i-Russia ihlasele i-Ukraine.

I-Chelsea iyakuxwaya ukuvumela ubunikazi bezwe elibucayi kwezepolitiki njenge-Saudi Arabia, kodwa uhulumeni waseBrithani uthe ubudlelwano babo naleliyazwe bubalulekile.

“I-Saudi Arabia inguzakwabo we-UK obalulekile kwezotshalomali, kwezobuhlakani namasiko. Siyakwamukela ukutshalwa kwezimali kwase-Saudi Arabia,” kusho uHuddleston.

“Imisebenzi eminingi e-UK incike ebudlelwaneni bethu nabantu base-Saudi Arabia. Sithatha ithuba lokukhuluma ngokungagwegwisi nangokukhululeka ne-Saudi Arabia.”

Isimemezelo sokubaluleka kwe-Saudi Arabia e-United Kingdom size ngesikhathi uNgqongqoshe ebuzwa ukuthi ngabe i-Newcastle United bekufanele yini ivunyelwe ukuthengwa ngabanikazi base-Saudi Arabia.

Izwe linerekhodi elibi lamalungelo abantu, elikhonjiswe muva nje ngokubulawa kwabantu abaningi besilisa abangu-81 ezweni ngosuku olulodwa ngoMgqibelo odlule.

Njengoba kwakunjalo ngo-Abramovich cishe eminyakeni engamashumi amabili edlule, zonke izindlela zokutshala izimali zamukelekile emhlabeni webhola kuze kube yilapho ubugebengu babo bugxila emhlabeni.

Ngesikhathi abalandeli be-Chelsea bejabule kakhulu ngemali engase ilethwe ngabanikazi base-Saudi Arabia, usongo lwesimo sayo samanje sizokwenzeka futhi esikhathini esizayo sihlala kuyinto engenzeka.

Umthombo wesithombe: @GlobalSportMatters

Izihloko zakamuva