Lucky Sithole
INingizimu Afrika 14 (7) – i-Argentina 19 (7)
Okwesibili ezinsukwini ezine, abathandi bombhoxo baseNingizimu Afrika kudingeke ukuthi babhekane nesithombe esimbi seqembu labo elihlulwayo.
NjengangoMgqibelo lapho iB & I Lions ecekela phansi amaBhokobhoko, i-Blitzbokke iqale njengoba bekulindelekile. USelvyn Davids uthole i-try esetshenzelwe kahle. Kuyacaca ukuthi konke bekuhamba ngohlelo.
Kodwa-ke uGaston Revol wase-Argentina unikezwe ikhadi elibomvu – leso siqalekiso sombhoxo esisongela ukuqeda umdlalo ngazo zonke izindlela.
Kodwa kulokhu, ikhadi lisebenze ngenye indlela.
I-Argentina, ngabadlali abayisithupha kuphela, yangena emdlalweni ophawuleka kakhulu wabayisikhombisa oyoke uwubone. Esikhundleni sokwamukela okungenakugwemeka, abase-Argentina bathola ama-try amabili ngokulandelana okusheshayo. Futhi kungazelelwe i-Blitzbokke bebeyisithupha kwabayisikhombisa.
Ukuhlikihla usawoti enxebeni, i-Argentina ithole i-try yesithathu.
Ngakolunye uhlangothi i-Blitzobokke, ivele yadideka yazithola ingenalo uhlelo lomdlalo noma umdlali ozoyiholela empumelelweni.
Ukunqoba okukhulu kwe-Argentina, okubeyihlazo ku-Blitzbokke.
Umthombo wesithombe: @ TeamSA2020