I-Switzerland ishaye iCameroon ngengcecemezela

Lubhalwe nguRazeen Gutta

Igoli elishawe uBreel Embolo wase-Afrika ilona eliwinise i-Switzerland emdlalweni wayo ne-Cameroon enkundleni yebhola i-Janoub emdlalweni wokuqala ovela ku-Group G weNdebe Yomhlaba ye-Fifa.

Njengoba bezingu-6000 izihlalo ezingenabantu e-AI Wakrah, e-Qatar, i-Cameroon ibizimisele ngokuthi ibe ngeyokuqala emaqenjini ase-Afrika ukuthi ishaye igoli kubuka umhlaba wonke kulo nyaka. 

Uhlangothi lukaRigobert Song belinamathuba ancono kusaqalwa. UBryan Mbeumo ubebukeka eyingozi njengoba kusale kancane ukuthi ashaye igoli engakwesokunxele.

I-Switzerland kanye noXherdan Shaqiri bavalwe umlomo ngesiwombe sokuqala njengoba uhlangothi lukaMurat Yakin lungakwazanga ukubona umzamo ka-Andre Onana wokushaya igoli.

Bekunzima ukuthola ibhola futhi ne-Switzerland ize yakwazi ukuphaphama ngesiwombe sesibili, emuva kwemizuzwana nje kubuywe ekhefini kanti uShaqiri uwutholile umfutho.

Lo mdlali owayedlala kwi-Liverpool ufice u-Embolo engamakiwe endaweni yephenathi, u-Embolo wangapholisa maseko.

Njengoba azalelwa e-Cameroon, nobaba wakhe ezihlalela eNyakatho ne-Afrika, bekungekho ukubungaza kulo mdlali oneminyaka engu-25. Kodwake-ke akungabazeki ukuthi uphume enkundleni eziqhenya ngoba uyena owinise iqembu lakhe.

Njengoba i-Brazil isazodlala ne-Serbia, i-Swiss izongena kwi-Knockout inethemba lokuthi ithuba lokwenza kancono lisekhona.

Osesithombeni esingenhla: UBreel Embolo

Umthombo wesithombe: @FifaWorldCup

Scrolla World Cup Quiz