Razeen Gutta
Igoli lika-Alvaro Morata alishaye ngomzuzu wokugcina belanele ukudlulisela i-Spain kowandulela owamanqamu we-Uefa Nations League ngesikhathi sihlula i-Portugal ngegoli elilodwa eqandeni e-Estadio Municipal de Braga ngoLwesibili.
I-Portugal iqale kahle futhi ibizimisele eduze kwepali. Nokho bebemosha amathuba ngasemapalini esiwombeni sokuqala i-Spain naso besidlalela kude kakhulu.
Kube nomuzwa wokuthi ukudlala kwabo ngamathuba kungabafaka enkingeni njengoba iqembu likaFernando Santos ligcine lishaye igoli elibenze bakwazi ukudlulela phambili.
I-Spain besiwulawula umdlalo zisuka nje njengoba i-Portugal ibidlalela emuva. UCristiano Ronaldo ubukeke ekhungathekile elwela ukuthola umlingo wakhe ojwayelekile endaweni yesithathu yokugcina.
Ngasohlangothini lukaLuis Enrique, ukwethulwa kukaNico Williams emizuzwini engamashumi amabili yokugcina kufakazele umehluko njengoba lo wesilisa osemncane we-Athletic Club eveze ukuzivikela kwe-Portugal.
Impumelelo iqhamuke sekusele imizuzu emibili nje kuphela isikhathi esijwayelekile njengoba uDani Carvajal ephasele uWilliams ibhola eliqonde kuMorata wanikeza i-Spain igoli.
I-Spain sijoyine i-Netherlands, i-Italy ne-Croatia okungamaqembu amane asele kulo mqhudelwano.
Umthombo wesithombe: @FdeFutbol_11