Sizwe Sibiya
Ngosuku lweNkululeko lwalonyaka, i-Netflix izodlala ifilimu i-Silverton Siege, eqondiswe yaphinde yasungulwa ngumdidiyeli wamafilimu odumile waseNingizimu Afrika uMandla Dube.
Ifilimu ye-action kaDube eyasungulwa ngo-1980 igqugquzelwe isigameko sangempela esaqala umkhankaso “Wokukhulula uMandela.”
Le filimu igabe ngezihlabani okubalwa kuzo uNoxolo Dlamini, uStefan Erasmus kanye noThabo Rametsi odlala indawo kaSolomon Mahlangu ku-Kalushi, enye ifilimu edidiyelwe nguDube.
Njenge-Silverton Siege, i-Kalushi iyifilimu enomlando exoxa indaba yesikhathi sobandlululo echaza ngomzabalazo wabantu abamnyama baseNingizimu Afrika.
Bekuyimpumelelo yamazwe ngamazwe. Yavula umcimbi we-Royal African Society’s Film Festival ngo-2016 e-United Kingdom, ngaphambi kokuwina indondo ye-Best Film of South Africa neye-Best Original Song ku-RapidLion Film Festival ngo-2017.
I-Kalushi iphinde yawina indondo ye-Chairman’s Award kwi-Zanzibar International Film Festival, ngesikhathi umlingisi oqavile uThabo emuka nendondo ye-Best Actor kwi-BRICS Film Festival.
Yize ingakakhishwa ifilimu eyi-trailer ye-Silverton Siege, enabalingisi abanamava abafana no-Arnold Vosloo, uTumisho Masha, uMichelle Mosalakae kanye no-Elani Dekker – ithembisa ukuba yifilimu yasekhaya ehamba phambili kunazo zonke ngo-2022.
“I-Silverton Siege ingumsebenzi wami onamandla kunayo yonke kuze kube manje,” kusho uDube esitatimendeni sabezindaba.