I-Russia yenza inzuzo ngezimpi

Dylan Bettencourt

Impi eqhubeka e-Ukraine yenzela i-Russia inzuzo,  ngokusho kwabacwaningi.

I-Kremlin isizuze cishe u-R2.8 trillion ngokudayiswa kukawoyela, igesi namalahle kusukela i-Russia yahlasela i-Ukraine ezinyangeni eziyisithupha ezedlule kubika i-The Times.

Uma kuqhathaniswa, i-Russia kukholakala ukuthi yasebenzisa u-R1.7 trillion kuphela kule mpi ngokusho kwe-Centre for Research on Energy and Clean Air (Crea) okuyinhlangano yongqondongqondo yase-Finland.

I-Kremlin inyuse inani lenzuzo eyayenza ngokukhuphuka kwamanani entengo kagesi ngemuva kokumisa ukulethwa kwegesi kulo lonke elase-Europe njengempendulo yoswinyo olubekwe i-Russia.

“I-Russia inciphise ukuthunyelwa kwegesi ku-EU ngo-75% ngomzamo wokwenza i-Europe ibe mnyama. Nokho ukunyuka kwentengo yegesi kusho ukuthi i-Europe isikhokhela i-Russia imali eningi ngophethiloli,” kubhala uCrea.

I-European Union (i-EU) kuthiwa isikhokhele i-Russia u-R1.42 trillion ngokudiliva igesi nowoyela selokhu kuqale impi.

I-Germany iyodwa isisebenzise u-R280 billion, i-Russia nayo yathola imali engu-R550 billion evela e-China exhase uPutin ekuhlaseleni i-Ukraine.

Njengoba i-EU ingenazo izinhlelo zokuthenga amandla kunoma yimuphi omunye umthombo, i-Russia izoqhubeka nokwenza inzuzo phakathi nempi yayo ne-Ukraine.

Muva nje i-Moscow imemezele ukuthi uwoyela omkhulu wase-Europe uyabiza okuyisinyathelo abaningi abakholelwa ukuthi siwukusebenzisa amandla ezikhali.

Isikhulu esiphezulu enkampanini yamandla kagesi i-Gazprom, uVitaly Markelov utshele abe-Reuters ukuthi lelipayipi lizovalwa ukuze kulungiswe ukuvuza.

I-Gazprom iphinde yamemezela ukuthi kube nokubambezeleka ekulungiseni izinto ngenxa yomthetho we-Russia.

Inkampani i-Siemens Energy ebhekele ukulungisa ulayini wegesi ithe ukuvuza akwanele ukuvala leli payipi.

“Asikwazi ukukuqonda lokhu. Ukuvuza okunje akuvamisile ukuthikameza ukusebenza kwe-turbine futhi kungavalwa esizeni,” kusho isitatimende se-Siemens.

Umthombo wesithombe:@Reuters

Izihloko zakamuva