Arthur Greene
Inkulisa yezingane ingenye yezindawo ezingu 20, okubikwa ukuthi zihlaselwe ngamabhomu ngoLwesine empumalanga ye-Ukraine, okudale ukwesaba nokuthi i-Russia ingahle ihlasele izwe lase-Eastern European ezinsukwini ezizayo.
Lokhu kuhlasela kuqhutshwe iqembu elisesifundenu esifundeni sase-Ukraine esisempumalanga ye-Donbar abasekelwa uhulumeni wase-Russia.
Kulimale abantu ababili ngesikhathi kuhlaselwa inkulisa, kanti izithombe zikhombisa imfucumfucu yebhilidi elibhidlikile eliphakathi kwamathoyizi ezingane.
Amasosha ase-Ukraine athe isikole besiphakathi kwezinye izindawo ezicekelwe phansi.
UMengameli waseMelika uJoe Biden usexwayise ngokuthi lokhu kuhlasela kuzosetshenziswa njengezaba zokuthi i-Russia ihlasele.
“Zonke izinkomba esinazo zithi bakulungele ukungena e-Ukraine, bahlasele i-Ukraine … umqondo wami uthi kuzokwenzeka ezinsukwini ezimbalwa ezizayo,” kusho uBiden etshela izintatheli ngoLwesine.
Emasontweni ambalwa edlule cishe amasosha angu-150,000 ase-Russia abuthane emngceleni wase-Ukraine.
Uma uPutin ekhetha ukuhlasela, kuzobe kuveza ukuhlasela komhlaba okukhulu kakhulu kusukela ekupheleni kweMpi yeSibili yoMhlaba.
Ungqongqoshe wezeMpi eMelika u-Anthony Blinken uthe ukholelwa ukuthi i-Russia angeke isebenzise izikhali “ezijwayelekile” uma iya empini. Lokhu kuye kwaphakamisa ukwesaba kokuthi izikhali zamakhemikhali, ze-biological, noma ama-nuclear weapons kungasetshenziswa ngokumelene nabantu base-Ukraine.
Kungakhathalekile ukuthi yiziphi izikhali ezisetshenzisiwayo, ukuhlasela kuzolimaza abantu base-Ukraine kakhulu, futhi kungenzeka kube yimbangela yokushona kwezinkulungwane zabantu.
Umthombo wesithombe: @Billbrowder