Lubhalwe nguZukile Majova
I-Patriotic Alliance (PA) idle umhlanganiso empini yepolitiki yokulawula idolobha lase-North West i-Lichtenburg.
Alikho iqembu elikhulu lezombusazwe elithole amavoti amaningi okhethweni lokuchibiyela obelubanjwe ngenyanga edlule nokuyinto eshiye umasipala ungenamphathi.
I-ANC eyake yaphatha umkhandlu ngezihlalo ezingu-39 kanye namakhansela angu-21 manje inezihlalo ezingu-16.
Ikhansela uBoitumelo Lethoko we-Patriotic Alliance uqokwe njengemeya ngemuva kokujoyina umfelandawonye oholwa i-ANC.
I-Forum 4 Service Delivery inikele ngezihlalo zayo ezimbili kumfelandawonye ukunikeza i-Patriotic Alliance izihlalo ezingu-20 ezanele ukuthi iphathe lo masipala.
UMnu Fikile Jakene we-ANC uthole isikhundla sokuba uSomlomo woMkhandlu.
Umfelandawonye we-ANC ne-PA e-North West uphinde ulawule umasipala wendawo wase-JB Marks e-Potchefstroom.
I-Economic Freedom Fighters (EFF), ehlanganisa iminyaka eyishumi kulo nyaka yasungulwa iwine izigceme ezimbili ezaziphethwe i-ANC phambilini kanye nezihlalo eziyisishiyagalombili ezengeziwe.
Ukhetho lwase-Lichtenburg lubone ukukhuphuka komthelela wezinhlangano zezepolitiki zomphakathi njenge-F4SD, i-Save Ditsobotla Movement kanye ne-African Heart Congress ezinesihlalo esisodwa iqembu ngalinye emkhandlwini.
Amaqembu aphikisayo okubalwa kuwo i-DA ithole izigceme ezintathu kanye nezihlalo ezintathu ngesikhathi i-Freedom Front Plus ithola isihlalo esisodwa emkhandlwini yehluleka ukusizakala ngentukuthelo yomphakathi mayelana ne-ANC.
Kwaba umbango ongaphakathi kwi-ANC owaphoqa uhulumeni wesifundazwe ukuthi uhlakaze umasipala obusebenza nezimeya ezimbili, osomlomo bomkhandlu ababili kanye nabaphathi ababili bakamasipala.
Kwezinye izindaba zokhetho; I-IEC ivule izicelo zamavoti akhethekile okhethweni lokuchibiyela oluhlelelwe ukuba ngomhlaka-25 kuMasingana kulo nyaka.
Ukhetho lokuchibiyela luzoba esigcemeni sesihlanu e-Mbhashe e-Eastern Cape, esigcemeni sesi-17 e-Blouberg e-Limpopo kanye nasesigcemeni seshumi e-Polokwane.
Esithombeni esingenhla: I-EFF isaqhubeka nokuwina ngokweseka i-ANC okhethweni lokuchibiyela lomasipala
Umthombo wesithombe: @EFFSouthAfrica