Lubhalwe nguDylan Bettencourt
Umhleli wezemidlalo
Amaqembu amaningana e-English Premier League kule mpelasonto azobe esematheni ngenxa yezizathu ezinhle nezimbi.
➤ Ngemuva kokudlala imidlalo engu-11 bengakaze bahlulwe kanye nokuwina iNdebe ye-Carabao, umdlalo wabo ongemuhle enkundleni yase-Anfield uzobuyisela i-Manchester United phansi.
Umphathi we-Manchester United u-Erik ten Hag uzodinga usizo ngemuva kokuhlulwa kwabo ngamagoli ayisikhombisa eqandeni bedlala ne-Liverpool ngeSonto eledlule. Umdlalo we-Southampton uzoba ngeSonto ngehora lesine ntambama.
Ngakolunye uhlangothi i-Liverpool inethemba lokuthi ukunqoba kwayo okukhulu kuzoba yinto enhle kule sizini ebingabahambeli kahle.
I-Manchester izobe ihlose ukubuyisa ukunqoba kwayo okumangalisayo ngempelasonto uma isibhekene ne-Bournemouth ngo-2.30 ngoMgqibelo ntambama.
I-Chelsea ingelinye lamaqembu elidinga usizo ngemuva kokubhekana nesizini enzima.
Lobo buhlungu buye badamba ngemuva kokudlulela ku-quarter-final e-Uefa Champions League ngokushaya i-Borussia Dortmund ngamagoli amabili kwelilodwa sekuhlanganiswe yonke imidlalo ngoLwesibili.
I-Blues izobhekana ne-Leeds United ngehora lesihlanu ngoMgqibelo ntambama.
I-Tottenham Hotspur idinga usizo ngemuva kokuphuma ku-Uefa Champions League ezandleni ze-AC Milan ngoLwesithathu ebusuku.
Umphathi u-Antonio Conte uphakamise ukukhathazeka ngokuthi kungenzeka angabi sesikhundleni isikhathi eside, kodwa ukuhlula i-Nottingham Forest ngehora lesihlanu ngoMgqibelo kungabuyisela ukumamatheka kubadlali base-North London.
Yonke imidlalo ye-Premier League izoba bukhoma ku-DStv channel 203 impelasonto yonke.
➤ Izinkunzi ezimbili zase-Afrika iSundowns ne-Al Ahly zizobe zingqubuzana kowe-CAF Champions League ngoMgqibelo.
La maqembu awakwazanga ukuhlukana emdlalweni wawo odlule njengoba abambana ngo-2-2 okunikeze iqembu ngalinye iphuzu elilodwa.
Nokho lezi zinkunzi zase-Egypt zidinga ngaphezu kwephuzu ngoMgqibelo, i-Al Ahly inamaphuzu amane kuphela ngemuva kwemidlalo emithathu kule sizini.
Ngakolunye uhlangothi iSundowns inamaphuzu ayisikhombisa ngemuva kwemidlalo emithathu.
ISundowns ingase ifinyelele emzuliswaneni olandelayo ngokunqoba kanti ukuhlulwa kwe-Al Ahly kungase kubenze bakhishwe emqhudelwaneni wezwekazi.
Lo mdlalo uzokhonjiswa ku-DStv channel 208 ngehora lesithathu ntambama ngoMgqibelo.
➤ INdebe ye-Currie yadlalwa okokuqala ngo-1893 ngesikhathi kuqhudelana izifundazwe ezine ezazidlala ibhola lombhoxo okubalwa i-Western Province, i-Griqualand West, i-Transvaal kanye ne-Eastern Province. Ngaleso sikhathi yayingekho i-Natal, i-Northern Transvaal kanye ne-Free State.
Kule mpelasonto, wonke amaqembu ayisishiyagalombili azobe ekhona kwiNdebe ye-Currie emzuliswaneni wokuvula ozoqala ngoLwesihlanu uphele ngeSonto.
Ingabe ama-Pumas angawahlula ama-Blue Bulls? Esingakuphawula ukuthi ithimba likaJimmy Stonehouse lizobe likhona linikeza konke elinakho okungaholela ekutheni liphumelele.
Yonke le midlalo izodlala kusukela ngoLwesihlanu ngehora lesine ntambama kuze kube iSonto ngehora lokuqala emini kanti le midlalo izodlala bukhoma ku-DStv channel 211.
Ngabe i-Wales izodlala ngaluphi uhlobo uma isibhekene ne-Italy ku-Six Nations ngoMgqibelo ngo-4.15 pm? Abadlali base-Wales badlalela izwe labo njenganoma yiliphi iqembu lamazwe omhlaba ngokuziqhenya yize i-Italy ingeke ibadedele kalula kanjalo.
UMarcus Smith osebuyile eqenjini lase-England elizobe libhekene ne-France uyithemba elijabulisa kakhulu. Kumele abantu balindele umdlalo omangalisayo njengoba umdlali oyi-flyhalf ezobe ephuma ebhentshini. I-England izobhekana ne-France ngo-6.30 ngoMgqibelo ntambama.
Abaqeqeshi ababili abahamba phambili ku-rugby square yamazwe ngamazwe bazobe bebhekene njengoba i-Ireland ka-Andy Farrell kanye noGregor Townsend we-Scotland bezobe behlangene e-Murrayfield. I-Ireland kufanele iwine, kodwa ungabheji imali yakho yonke kuyo.
Umdlalo wokugcina ngempelasonto uzoqala ngehora lesihlanu ntambama ngeSonto, kuzo zonke izinhlelo ze-Six Nations kanti uzodlala bukhoma ku-DStv channel 201 no-211.
Isithombe esingenhla: I-Manchester United
Umthombo wesithombe: @ManUtd