Razeen Gutta
I-Tottenham Hotspurs ibambe i-Liverpool egijima ngendlela emangalisayo njengoba lamaqembu edlale ngokulingana ngo 0-0 e-Anfield ngoMgqibelo ebusuku.
Ama-Reds azabalaze ngakho konke ukuthola impumelelo njengoba bebebhekene ne-Spurs evimbe iqembu ngakho konke ukuthi lingatholi mathuba
Womabili amaqembu ashaye into ecokeme njengoba uVirgil Van Dijk efika ekugcineni kwekhona likaTrent Alexander Arnold ngaphambi kokuthi uPierre-Emile Hojberg ashayele ibhola eceleni kwepali ngemuva kokuhlasela kwe-Spurs. Kuyiwe ekhefini womabili amaqembu engakalishayi igoli.
UHarry Kane ulawule ibhola kahle ngaphambi kokuthi alinikeze uRyan Sessegnon ezansi kwesokunxele. USessegnon uwele phakathi wanikeza uSon Heung Min ukuze afake ibhola enethini.
I-Liverpool ibilokhu izama ukugadla. Igoli lokulinganisa liqhamuke sekusele imizuzu engu-15 ukuthi kuphele umdlalo ukugadla kukaLuis Diaz kwenze amaqembu aba namaphuzu alinganayo.
Isikhathi sokugcina ama-Reds abedlala ngokuzimisela kakhulu kanti i-Spurs besibheke phambili ibambelele kulokho obekubalulekile ngethemba lokudlala ibhola le-Champions League ngesizini ezayo.
Izimbangi zayo i-Manchester City izobhekana ne-Newcastle United emdlalweni wayo e-Etihad futhi izoyibuyisa indawo yayo esicongweni uma ifuna ukugwema ukuhlulwa.