Razeen Gutta
Usuku lwe-Merseyside derby lulethe injabulo ku-Liverpool ehlule izimbangi zayo eziphatheke kabi ngamagoli amane kwelilodwa, kwathi i-Chelsea ne-Manchester City omababili amaqembu azuza ukunqoba ngamagoli amabili kwelilodwa okulwelwe kanzima ngobusuku obujabulisayo bebhola le-Premier League.
Nokho, umjaho wesicoco umiswe yizimo eziphuthumayo ngaphandle kwenkundla.
Umlandeli osezitebeleni ku-Vicarage Road kudingeke ukuthi athole usizo lwezempilo ngemuva kokuphathwa inhliziyo ngemuva kwemizuzu eyi-13 nje kuqale umdlalo phakathi kwe-Watford ne-Chelsea. Umdlalo ubambezeleke ngesigamu sehora ngemuva kokuthi abadlali nabalandeli bebikele unompempe ngalesi sigameko.
UWatford ukuqinisekisile ukuthi umlandeli uphilile ngemuva kokukhishwa ukuze athole i-CPR.
Kamuva ebusuku, umdlalo obuphakathi kwe-Southampton ne-Leicester City nawo ubone isiwombe sawo sesibili sibambezeleka ngenxa yesimo esiphuthumayo sezempilo ngaphandle kwenkundla, kuqinisekise i-Leicester City ku-Twitter. Umlandeli ulashelwe e-St Mary’s ngaphambi kokuba aphuthunyiswe esibhedlela.
Zombili lezi zigameko ziyefana nezenzeke e-St. James’ Park ngoMfumfu ngenkathi umlandeli elashelwa enkundleni emdlalweni obuphakathi kwe-Newcastle United ne-Tottenham Hotspur.
Njengoba i-Chelsea, i-Manchester City ne-Liverpool onke la maqembu abedlala izolo ebusuku, bekugxilwe kumbango wesicoco. Akukho okushintshile kulezi zinhlangothi ezintathu ezithole ukunqoba okubalulekile kwe-gameweek 14.
Amagoli kaMason Mount kanye noHakim Ziyech ahlwithe i-Chelsea ukunqoba ngamagoli amabili kwelilodwa ngemuva kokuthi umdlalo uqhubeke e-Vicarage Road kanti amagoli kaRuben Dias noBernardo Silva abenele ukuthi i-Manchester City ibeke elilodwa ku-Aston Villa kaSteven Gerrard.
URafael Benitez, owake waduma kakhulu eqenjini eliwinile, uzithole esesimeni sokwamukela ukuhlulwa ngosuku lwe-derby e-Goodison Park njengoba uMohamed Salah eshaya igoli kanye namagoli kaDiogo Jota nokaputeni uJordani Henderson wabona i-Liverpool inqoba ngamagoli amane kwelilodwa ihlula iqembu lakhe le-Everton.
I-Chelsea ihola phambili ngamaphuzu angama-33 kanti i-Manchester City inamaphuzu angama-32 bese kuthi i-Liverpool inamaphuzu angama-31 kanti la maqembu asaqhubeka nokulwela indawo yokuqala ngenqwaba yemidlalo yebhola esazodlalwa.
Umthombo wesithombe: @LFC