Timmy T Maranda
I-Imperial Lions ihlonishwe njengompetha be-Betway T20 Challenge kulandela ukunqoba ngamawikhethi amane ehlula i-Hollywoodbet Dolphins ngeSonto.
Ama-Dolphins anqobe i-toss futhi akhethwa ukudlala eThekwini, akwazile ukufaka ama-run ayi-107 ngama-overs ayisikhombisa kwangama-20, ngoRobbie Frylinck oshaye amagoli aphezulu eqenjini lase-KZN ngama-run angama-30.
UKagiso Rabada ushaye ibhande lama-Dolphins ethatha amawikhethi amathathu kuma-overs akhe amane wavumela ama-run ayi-12 kuphela. USisanda Magala uthathe ama-wickets amabili kuma-over amane ngama-run ayi-19 kuphela.
UReeza Hendricks usize ama-Lions ukuthi asheshe agijimise ithagethi eyi-107 ukuze athole isicoco nge-over azoyisebenzisa.
UHendricks uqede lo mqhudelwano njengomshayimagoli ohamba phambili, ngama-run angama-257, ngaphambi kukakaputeni wakhe uThemba Bavuma ngama-run angama-256.
UMagala uqede lo mqhudelwano njengomdlali ohamba phambili ngokuthatha amawikhethi ngaphambi kukaLungi Ngidi we-Titans. UMagala uthathe amawikhethi ayi-13 kanti uzakwabo uRabada uqede ngamawikhethi ayisishiyagalolunye.
URabada uthe wenelisekile ngendlela iqembu elidlale ngayo wathi ubone kukuhle ukunqobela ama-Lions isicoco.
“Bengikufuna kakhulu ukudlala futhi ngibandakanyeke futhi ngithole ifomu enhle. Bengifuna nokudlalela ama-Lions. Sekunesikhathi ngingawadlaleli,” esho kwi-website ye-Cricket South Africa.
“Kuyamangalisa ukudlala nozakwethu. Kuyindawo enhle ukuba yingxenye yayo.”
I-franchise yase-Gauteng iyigcine ngempumelelo le ndebe, okungeyesibili kule sizini, ngemuva kokunqoba umqhudelwano we-Momentum One-Day Cup ekuqaleni konyaka.
Umthombo wesithombe: @ImperialCricketSA