Dylan Bettencourt
Isigcinamagugu sase-Germany sivumile ukubuyisela emuva izinto zakudala ezingu-23 okuhlanganisa nobucwebe obuyigugu namathuluzi ezweni lendabuko e-Namibia.
Ngokungajwayelekile isivumelwano sokubuyisela izinto zobuciko sibhalwe ngokuthi imalimboleko engaphela okushiya kuvuleke ithuba lokuthi i-Berlin Ethnological Museum ingase izame ukuyibuyisela esikhathini esizayo.
Lesi senzo siwumzamo wokukhuthaza ukubuyisana phakathi kwe-Germany ne-Namibia. Izwe lase-Europe labulala abantu ezweni lamakoloni eminyakeni eyikhulu edlule.
Uhulumeni wase-Germany wasivuma ngokusemthethweni lesi sibhicongo ngoNhlaba nyakenye futhi uzibophezele ekukhokheleni i-Namibia imali engaphezu kuka-R18 billion yokunxeshezelwa.
“Amaqoqo akhombisa inqubo yobukoloni kwezinye izimo ezinodlame kakhulu,” kusho i-Berlin Ethnological Museum esitatimendeni.
“Baphinde bakhombise ubuhlakani babantu base-Namibia.”
Umqondisi we-National Museum of Namibia u-Esther Moombolah uthe akumele izakhamuzi zakuleli zindize ziye kwelinye izwe ukuze zibone amagugu azo.
UMoombolah uthe ukubuyiswa kwezinto zobuciko kuyigxathu eliya phambili ekuhloleni kabusha umlando omude onzima phakathi kwe-Namibia ne-Germany.”
Babalelwa ku-75,000 abantu abavela emiphakathini yama-Nama nama-Herero ababulawa ngesikhathi sokubulawa kohlanga e-Namibia okwenziwa amakoloni ase-Germany ekuqaleni konyaka ka-1890.
Amasosha ase-Germany aqeda ukuvikela aphinde axoshe amavukelambuso lapho izinkulungwane zabulawa indlala noma ukuphelelwa amanzi emzimbeni.
Nyakenye kube nesivumelwano esiyingqopha-mlando esasayinwa phakathi kwamazwe amabili lapho i-Germany yavuma khona ukuthi inesandla ekubulaweni kwabantu yase ivuma ukukhokhela i-Namibia isinxephezelo sika-R15.2 billion.
Yize i-Germany ibingenawo amandla amaningi e-Afrika njenge-France ne-Britain leli lizwe lisaphethe amazwe amaningi okubalwa kuwo i-Burundi, i-Rwanda, i-Tanzania, i-Namibia ne-Cameroon.
Eminyakeni yakamuva nje i-Germany ibuyisele amathambo abantu e-Namibia, izinto ezathunyelwa e-Berlin ngaphambilini ukuze zizohlolwa.
Umthombo wesithombe: @TheNamibian