Dylan Bettencourt
Bezidlana imilala emdlalweni obuphakathi kwe-Egypt neMorocco kweye-Afcon lapho ezikaFaro zigcine zinqobe khona zaphula irekhodi leMorocco lokungahlulwa kusukela NGO-2014.
I-Morocco iyona ebhakuzise kuqala inethi ngegoli elishawe nguSofiane Boufal.
Amaphaphu abephezulu ngaphambi kokuthi kuqale umdlalo futhi ubushube kakhulu ngesikhathi umdlalo usuphakathi nendawo.
I-Egypt ibilwa nazo zonke izinqumo eziphikisana nayo kanti umqeqeshi wabo uCarlos Quieroz nethimba lakhe kudingeke ukuthi baxwayiswe kaningi ngokuthi kumele behlise umoya.
I-Egypt ibuye ivutha umlilo ngesiwombe sesibili futhi ngaphansi kwemizuzu eyishumi ngemuva kokuthi umdlalo uqalile, isithenjwa sabo uMohamed Salah uthole ithuba lokushaya inethi.
Aphendukile amatafula njengoba i-Morocco yagcina ukuhlulwa emdlalweni eyashaya kuwo igoli lokuqala ngonyaka ka-2014.
Njengoba umdlalo ubusuya emaphethelweni, kuvele kwashuba kumaqembu womabili.
Kodwa sekusele imizuzu eyishumi kudlule isikhathi esengeziwe, umpetha uSalah uthole uzakwabo uTrezeguet wafaka ibhola enethini okwenza i-Egypt ihambe phambili okokuqala ngqa njengoba ibiphakamisa izwe layo i-Egypt.
Njengoba i-Algeria, i-Nigeria ne-Ivory Coast bephumile kulo mqhudelwano, i-Egypt ibingafuni ukufana nabanye ihlulwe izintandokazi bese ihamba ilambatha.
Abaphumelele sebezozizwa njengezintandokazi ukunqoba lo mqhudelwano ngempelasonto ezayo, kodwa kuzodingeka banqobe abasingathi balemidlalo i-Cameroon kowandulela kowamanqamu ngoLwesithathu uma befuna ukusondela ekunqobeni isicoco sabo sesishiyagalombili se-Afcon.
I-semi-final phakathi kwe-Cameroon ne-Egypt izofana njengo mdlalo ophindwayo njengalo wangonyaka ka-2017 okulindeleke ukuthi kube umdlalo onzima kulamaqembu ase-Afrika.
Umthombo wesithombe: @Goal
.
