Sizwe Sibiya
Iqembu labaculi ababili le-Neo Afro-pop i-Blaq Diamond likhiphe enye ingoma eshisa izikhotha enesihloko esithi-“Italy”.
Le ngoma ikhishwe ezinsukwini ezinhlanu ezedlule yi-Ambitious Entertainment, eyaziwa nangokuthi i-Hit Factory, kanti le ngoma isifinyelele kunombolo ye-15 eshadini lomculo osabalalayo ku-YouTube nevidiyo yayo yomculo enezihloko eziyigugu zase-Afrika. Ividiyo iqale ukukhonjiswa mhla zingama-29 kuMfumfu kwiplatifomu yokusakaza ividiyo.
IBlaq Diamond abaculi ababili ababizwa ngoNdumiso “uNdu Brown” Mdletshe noSphelele “uDanya Devs” Dunywa, baseMnambithi eKZN. Bakhiphe ingoma yabo yokugcina ngoMandulo enesihloko esithi-“AmaCriminal” (Isixhumanisi), efinyelele ukubukwa ngabantu abangaphezu kwabayizi-600,000 ngemuva kwenyanga. I-“Italy” ibukwe ngabantu abayizi-300,000 esikhathini esingaphansi kwesonto, nakuba incintisana nezingoma ezishisa izikhotha zohlobo lwama-piano okuyizona ezihamba phambili emculweni waseMzansi.
I-Ambitious Entertainment ibilokhu ikhiqiza amavidiyo asezingeni eliphezulu abawenza ngaphakathi endlini.
Ividiyo yomculo yengoma ethi-“Italy” ilandela okushiwo kwingoma, okumayelana nensizwa esebenza kanzima ecabanga ngezifiso zentombi yakhe, okuhlanganisa ukuya e-Italy ukuyothenga izingubo zikanokusho. I-microbus yohlobo lwesibili lwe-Volkswagen ifakwe njengemoto yokuzikhethela ohambweni olubizayo ngevidiyo eyimizuzu eyi-5:24 ubude. Ingoma ididiyelwe nguKitie kanye noMfowam.
Ungabuka ividiyo yomculo engenhla.
Umthombo wevidiyo: YouTube