Lubhalwe nguRazeen Gutta
I-Arsenal kaMikel Arteta inqobe umdlalo wayo ibhekene ne-Tottenham Hotspur ku-Premier League ngo 2-0. Impi enkulu ibisemapalininjengoba unozinti balamaqembu kuyibo abebethwele kanzima kakhulu emdlalweni. Unozinti we-Arsenal uyena ogcine evelela.
Igoli lokuqala le-Arsenal likaLloris liphazamise indlela i-Spurs ebesidlala ngayo.
Ukaputeni we-Gunners, uMartin Odegaard ushaye amagoli amabili ngaphambi kwekhefu ngonyawo lakhe lwesinxele okwenze i-Arsenal yakwazi ukulawula umdlalo.
I-Spurs inyuse amasokisi ngesiwombe sesibili yakwazi ukuvivinya uRamsdale epalini le-Arsenal.
Amathuba ambalwa abevela kuHarry Kane awasebenzanga.
I-Arsenal isesicongweni ngamaphuzu ayisishiyagalombili uma iqhathaniswa ne-Manchester City. Iqembu lika-Arteta lizobhekana ne-Manchester United ngokulandelayo kanti i-City ne-Spurs zizobhekana e-Etihad.
Isithombe esingenhla: UMartin Odegaard noGranit Xhaka
Umthombo wesithombe: @Arsenal