I-Arsenal ayizange itheze ngewindi likaJanuary

Joyina uRazeen Gutta embikweni wakhe wamasonto wonke wokufuduka kwabadlali okwenzeka kuleli naseYurophu.

EYurophu

I-Arsenal ayinazo izinhlelo zokusayinisa abadlali ngaphambi kokuvalwa kwewindi lokudayiselana ngabadlali langoMasingana, kusho umqeqeshi aeqembu uMikel Arteta.

Njengoba izikhulu zaseYurophu zibheke ukulwela ukwengezwa kwesikhathi sewindi ngomzuzu wokugcina, i-Arsenal izogxila kwinselelo yayo yokufuna isicoco ngaphandle kwabadlali abasha.

Ngesikhathi ekhuluma ne-TNT Sports, umqeqeshi we-Arsenal uthe ukuthengwa komdlali omusha bekungenakwenzeka kuleli windi, egcizelela ukubaluleka kokutholakala kwabadlali kusukela manje kuze kube sekupheleni komqhudelwano.

“Bekungenzeki … besingenawo amandla okuthuthukisa iqembu ngendlela esicabanga ukuthi sifuna ukulithuthukisa ngayo. Ngakho sinqume ukungenzi lutho,” kusho u-Arteta.

I-Aston Villa isayinise  uMorgan Rogers oqhamuka ku-Middlesbrough.

Njengamanje, lo mdlali (21) ungumshayimagoli ohamba phambili kwi-Carabao Cup futhi ngokusho kwentatheli yezemidlalo yase-Italy uFabrizio Romano, i-Villa isifinyelele isivumelwaneni sokumsayinisa ngemuva kokunqatshwa izikhathi eziningi.

Ikusasa likaKarim Benzema kube indaba okukhulunywa ngayo kuleli windi njengoba lo mdlali wase-France ekhonjwe indlela ku-El Ittihad.

Kanti kuvela ukuthi i-Manchester United ne-Chelsea bamconsela amathe lo mdlali owake wagijima  kwi-Real Madrid.

ENingizimu Afrika

Iwindi le-Premier Soccer League liphele ngaphambi kwesikhathi esijwayelekile ngenxa yemidlalo ye-Africa Cup of Nations eqhubekayo.

Usuku lomnqamulajuqu lwangoLwesihlanu ngomhlaka-26 kuMasingana lubone iMamelodi Sundowns iba sematheni ngokusayinisa isihlabani se-Orlando Pirates uThembinkosi Lorch ngo-R13-million.

Esithombeni esingenhla: UMikel Arteta

Umthombo wesithombe: @arsenalnewschan

Izihloko zakamuva