I-ANC ibiza umhlangano oyisipesheli ukuze kuthathwe izinyathelo zokulwa noMagashule

SOWETO, SOUTH AFRICA – DECEMBER 18: David Mahlobo, Ace Magashule and Jacob Zuma during the announcement of new ANC leadership at the 54th African National Congress (ANC) national conference at the Nasrec Expo Centre on December 18, 2017 in Soweto, South Africa. As ANC delegates‚ supporters of the two presidential candidates were equally confident that their preferred choice will be announced as the new president of the ANC. The race was between Nkosazana Dlamini-Zuma and Cyril Ramaphosa‚ the only two nominees for the party's top position. (Photo by Gallo Images / Sowetan / Veli Nhlapo)

Lungani Zungu

U-Ace Magashule angangena emhlanganweni wekomidi elikhethekile le-ANC kule mpelasonto njengoNobhala-Jikelele bese ephuma njengelungu elijwayelekile leqembu elibusayo.

Lokhu kungemuva kokuthi ikhomishini yobuqotho ye-ANC kubikwa ukuthi yamnikeza indlela yokuthi kumele ashiye esikhundleni ngenxa yamacala enkohlakalo nawokukhwabanisa ayebhekene nawo.

Isishoshovu seqembu uGeorge Mashamba ungusihlalo wale khomishini.

Yize isikhundla sakhe esinamandla silengela eweni , uMagashule ubelokhu esongela labo abebemphikisa ngokuthi “bayilethe”.

“Angizimisele ukukhuluma ngalokhu manje sekwanele ukusho ukuthi amagatsha kuphela angangisusa. Angazi ukuthi sengikusho kangaki lokhu.”

I-NEC, okuyisigungu esiphezulu esithatha izinqumo , inikeze izithupha kule nqubomgomo kodwa yathumelela amagatsha ngenyanga edlule ukuze ivunyelwe ngaphambi kokuthi iqale ukusebenza.

UMagashule odelelayo utshele abakwa-Scrolla.Africa ukuthi akazanyazanyiswa.

“Kuyangimangaza ukuthi kungani abantu bekhathazekile ngokuthi ngishiye eceleni njengo-SG. Masilinde sonke ukuthi amagatsha enze uvo lwawo ngaphambi kokuba abantu bajabule ngokususwa kwami,” uyasho.

UMagashule ngeke akuqinisekise noma akuphike ukuthi kunomhlangano we-NEC okulindeleke ukuthi ube ngeSonto.

Abakwa-Scrolla.Africa bayaqonda ukuthi amagatsha ayengakayivumi noma ayenqabe le nqubomgomo.

Enkabeni yenhlupheko yezomthetho kaMagashule kwakukhona ithenda ye-asbestos yezigidi ezingama-R255 eyakhishwa ngesikhathi esanguNdunankulu wase-Free State.

Uvele eNkantolo yeMantshi yase-Bloemfontein ngenyanga edlule, icala lahlehliselwa kumhla ziyi-11 kuNcwaba ukuze kulalelwe ubufakazi ngaphambi kwamacala.

UMagashule uthe ngeke aphawule ngokufaneleka kwamacala abhekene nawo kuze kube lolu daba seluphothuliwe enkantolo.

“Akukho engizokusho njengamanje ngaleli cala. Kumele ngigeze igama lami enkantolo yomthetho, hhayi kweyombono womphakathi.”

Uhlekile ngenkathi ebuzwa ukuthi ngabe unazo yini izifiso zokuba nguMengameli olandelayo we-ANC futhi ngokwalokho akushoyo, wezwe.

Okhulumela i-ANC uPule Mabe akatholakalanga ukuba aphawule.