Dylan Bettencourt
I-Africa Cup of Nations (Afcon) isikhombise okuningi kodwa njengoba sekuzoqala imidlalo yokuhlungela, lindela okukhulu kunalokho osukubonile emhlabeni webhola likanobhutshuzwayo.
Amaqembu angu-16 ahamba phambili ezwenikazi lonke azobhekana emdlalweni okufanele awuwine. Abahluliwe bazopakisha izikhwama zabo blatancies kwelakubo wokuqala womzuliswano wamaqembu angu-16 uzoba phakathi kwe-Burkina Faso ne-Gabon ngo-6 ntambama ngeSonto. I-Nigeria izoqeda umdlalo wangeSonto ngomdlalo wayo ne-Tunisia ngo-9 ebusuku.
I-Nigeria kube ilona kuphela iqembu eliwine imidlalo emithathu yesigaba samaqoqo futhi ngendlela abazimisele ngayo, angeke bakunake ukuthi bazobhekana nobani njengoba lezi zintandokazi zilangazelele ukubona igama lazo libhalwe kwindebe.
Okunye okusele kumzuliswano wamaqembu angu-16 kuyaqhubeka kusukela ngoMsombuluko kuze kube uLwesithathu lapho kuzobe sekuhlungwa khona amaqembu ayisishiyagalombili okokugcina kulomqhudelwano.
Yonke imizuliswano engu-16 ye-Afcon ingabukelwa bukhoma kwi-DStv channel 202.
➤ Ama-Proteas kanye ne-India azophinde abhekane ngempelasonto emdlalweni emibili ye-cricket One Day Internationals (ODI).
Ama-Proteas ajabulele isikhathi esiyimpumelelo bedlala ne-India, enqoba uchungechunge lwama-test ngo 2-1, futhi athi aphumelele emdlalweni wangoLwesithathu.
Bazobe benethemba lokuqhubeka nokudlala ngokuzimisela njengoba bezodlala ne-India ngoLwesihlanu lapho umdlalo uqala ngo-10.30 ekuseni e-Boland Park e-Paarl.
Uchungechunge lwe-ODI phakathi kwala maqembu womabili luzophela ngeSonto enkundleni yodumo yase-Newlands eKapa lapho kuzoqedwa umdlalo oncomekayo wama-Proteas, noma ngabe kwenzekani ngempelasonto.
Uchungechunge lwe-ODI phakathi kwama-Proteas ne-India lungabukwa bukhoma kwiDStv channel 201.
➤ Ama-Blitzboks azoqala umkhankaso wawo we-Rugby World Cup Sevens ka-2022 e-Spain edolobheni lase-Malaga esanda kungena ekhalendeni le-World Sevens.
Iqembu lamaBhokobhoko lizodudulana ne-Scotland ngoLwesihlanu ngo-2.10 ntambama ngaphambi kokuthi lidudulane ne-England ngoMgqibelo ngo-2.15 ntambama kowamanqamu ebusuku.
Njengoba ama-Blitzboks ayengazimisele kangako kuma-Olympics e-Tokyo, anyukele phezulu ngendlela emangalisayo. Bajabulele unyaka ka-2021 abaphumelele ngawo kakhulu, bewina i-Dubai Sevens ngapha nangapha ngasekupheleni konyaka odlule.
Umdlalo we-Rugby World Cup Sevens wochungechunge e-Malaga ungabukwa bukhoma kwi-DStv channel 211.
Umthombo wesithombe: @PremiumTimesNigeria
.
