USbongile Nonyana ukulethela izindaba zakamuva zobugebengu ezenzeka eNingizimu Afrika.
E-Delft – Kuboshwe umfundisi waseKapa ngecala lokudlwengula intombazane. Umfundisi u-Ebrahiem Sardien (39) ufundisa amakilasi okudumisa. Osolwa ngokudlwengulwa ubejwayele ukuthatha intombazane (15) kanye nodadewabo omdala njalo ngoMgqibelo amahora amabili kuya kwamathathu eyobafundisa ngendumiso e-Delft. NgoMgqibelo odlule udadewabo wentombazane uzizwe egula wase enquma ukuhlala ekhaya. Kungaleso sikhathi lapho uSardien ayise intombazane emzini angawazi wafike wayidlwengula khona. Uvele eNkantolo yeMantshi yase-Bellville ngoMsombuluko.
E-Ermelo – Amaphoyisa abambe abanye abasolwa abane ngokubulala usomabhizinisi wase-Ermelo. Laba baboshwe e-Hazyview ngoMsombuluko. Bagasele e-HDS Ermelo Cut and Edge ngoLwesithathu olwedlule, badubula umnikazi webhizinisi washona, baphuca amakhasimende abo omakhalekhukhwini nemali. Bazovela enkantolo maduze.
EMkhuhlu – INkantolo yesiFunda yase-Calcutta igwebe uNombango Claudia Mgiba ngokweba amakhebuli akwa-Eskom. Oklebe namaphoyisa baphophe umsolwa ngoMasingana. Inkantolo imnikeze ithuba lokuzikhethela – ukuthi akhokhe inhlawulo ka-R10 000 noma athathe isigwebo esilengisiwe seminyaka emihlanu.
E-Rocky Drift – Amaphoyisa abophe amadoda amabili ase-Ethiopia aneminyaka engu-27 no-47 ubudala. Enye imoto ibinezinombolo mbumbulu. Abasolwa bazovela enkantolo maduze.
Esithombeni esingenhla: Amaphoyisa.
Umthombo wesithombe: File