USbongile Nonyana ubika kafushane izindaba zakamuva zobugebengu eNingizimu Afrika.
EPolokwane – Amaphoyisa aseLimpopo abophe indoda eneminyaka engu-21 ubudala iphethe i-heroin ne-crystal meth engabiza u-R6 000 endaweni yaseMatlipa. Ivela enkantolo eSeshego ngesonto eledlule.
E-Heilbron – Amaphoyisa aseFree State abophe izelamani ezimbili ngokubulala indoda eneminyaka engu-29 ubudala kubangwa ugwayi. Umgilwa ugwazwe amanxeba amaningi. Abasolwa bazovela enkantolo yaseHeilbron maduze nje.
EMankweng – Uphiko lweSAPS elibhekelela ukwebiwa kwemfuyo ePolokwane luphenya ngokwebiwa kwezinkomo eziyisithupha, okuhlanganisa namathole amabili, okungabiza u-R78,000. Izinkomo zibhalwe uphawu emathangeni angakwesokunxele.
Embalenhle – Amaphoyisa aseMpumalanga athungatha uKhayone Xavier Pakeni oneminyaka emibili ubudala, onyamalale edlala egcekeni lakubo ngoLwesithathu ekuseni.
EPhuthaditjhaba – Uphiko loKlebe lubophe uMaletsatsi Julia Mathibela (49), ngokukhwabanisa nokushushumbisa imali okubandakanya izimali zeCovid-19. Wafaka isicelo sika-R199,000 sabasebenzi mbumbulu. Udedelwe ngebheyili ka-R5 000, icala lakhe liyaqhubeka ngomhlaka-18 kuLwezi.
Esithombeni esingenhla: Amaphoyisa.
Umthombo: Ifayela