USbongile Nonyana ukulethela izindaba zakamuva zobugebengu eNingizimu Afrika.
E-Acornhoek – Umzali waseMpumalanga unikele emaphoyiseni indodana yakhe ngokuhlasela intombi yayo. Wamshaya ngempama waphuka ingalo ngefosholo ngomhlaka-15 kuMasingana, wabe esebaleka. Uyise umlethe emaphoyiseni ngoMsombuluko ngomhlaka-10 kuNhlolanja. Uthole ibheyili ka-R1 000 kanti kumele abuyele enkantolo ngomhlaka-3 kuNdasa.
E-Thohoyandou – INkantolo eNkulu igwebe uLidzhade Tendani (46) iminyaka eyishumi nesishiyagalombili ebhadla ejele ngokubulala intombi yakhe (29) ngoZibandlela ka-2019. Wayishaya yaze yashona ngenduku esigodini saseMangani ngoba ecabanga ukuthi iyamjolela. Ngemva kokuyibulala, wafaka isidumbu sayo emotweni yakhe walibangisa esigodini saseMatanda, wafike wacela amanzi ukuze amthele ngawo.
KwaNdebele – UMduduzi Masango (31) noSteven Mthombeni (27), bazohlala ejele ngemuva kokubanjwa beshisa amabhasi akwa-Putco angu-51. Amaphoyisa ababophe eSiyabuswa ngoLwesibili ngokucekela phansi impahla. Bazocela ibheyili ngoLwesihlanu ngomhlaka-14 kuNhlolanja.
EPolokwane – Amaphoyisa athungatha indoda elahlekile, (67), eyanyamalala esigcemeni sezindlu zomxhaso e-Leboeng ngoLwesibili ngomhlaka-11 kuNhlolanja. UMnu Mohlala ubevakashele umndeni ngesikhathi ehamba engatshelanga muntu ukuthi uyaphi. Amaphoyisa awazi ukuthi wayegqoke ziphi izingubo. Ongamazi ukuthi ukuphi sicela ashayele uSergeant Glori Kgatle ku-082 414 3084.
Esithombeni esingenhla: Amalambu amaphoyisa.
Umthombo wesithombe: Ifayela