Inkampani yomshwalense omkhulu wezempilo yakuleli i-Discovery Health yethule uhlelo lomshwalense luka-R930 ngenyanga.
Lolu hlelo i-KeyCare Start Regional ihlanganisa:
● Ikhava yesimo esiphuthumayo kunoma isiphi isibhedlela esizimele
● Ikhava yokulaliswa okuhleliwe ezibhedlela ezikhethiwe kwi-KeyCare Start Regional network
● Ukwelashwa kwezifo ezingamahlalakhona
● Ukuhlolwa ukuze kutholwe izimpawu eziyisixwayiso kusenesikhathi
● Ikhava yokubonana ubuso nobuso nodokotela nokuvakasha kabili ngonyaka kochwepheshe
● Ukunakekelwa kwamehlo nokwelashwa kwamazinyo.
Lolu hlelo luzotholakala kuphela kubahlali base-Bellville nase-George, i-Western Cape, i-Tzaneen ne-Polokwane e-Limpopo, i-Mbombela ne-Trichardt eMpumalanga. UDkt uRonald Whelan ongumphathi kwa-Discovery Health uthe inkampani ihlela ukusabalala nakwezinye izifunda.
Ngokusho kwenkampani lolu hlelo luvumela intengo yalo mshwalense ihlezi iphansi. I-Discovery yethule lolu hlelo ngokubambisana ne-Mediclinic ne-Intercare. Itholakala kusukela mhla zizinye kuNhlangulana.
Uhlelo lwe-KeyCare Start Regional luphinde luhlanganise nezinye izixazululo ezintsha ze-hi-tech njengokuvumela ezinye iziguli ukuthi zigqoke izinto zokuqapha njengethuluzi elibukhali le-Biofourmis eligqokwa engalweni yesiguli ukuze kuqashwe izimpawu zabo ezibalulekile.
Iphinde inakekele iziguli kuhlelo lokusebenzisana kanye nethimba lokunakekela kanye nesikhungo sokulawula ubusuku nemini. Lokhu kunikeza ithimba lokunakekela ulwazi abaludingayo ukuze bathole izinkinga futhi lingenelele kusenesikhathi uma kunesidingo. Abahlengikazi nodokotela bangavakashela isiguli ekhaya uma kunesidingo.”