Lucky Maree
Ingxenye yemidlalo ye-sevens kuma-Commonwealth Games e-Birmingham izoqala ngeqembu lakuleli labesifazane lamaBhokobhoko lapho elizobhekana khona ne-Australia – kanti lona kungaba ngomunye wemidlalo ezoba mnandi kakhulu kule miqhudelwano.
Ephepheni, la maqembu womabili anamarekhodi ahluke kakhulu.
I-Australia cishe iyintandokazi yokuthi iwine indondo yegolide futhi irekhodi labo lokuziqhenya likhuluma ngokuwina njalo.
Ngakolunye uhlangothi, iqembu lakuleli labesifazane kwi-Sevens liye e-Toulouse, e-France ngoNhlaba, ladedela amaphuzu angu-50 lidlala ne-Australia, angu-22 neMelika kanye nangu-59 ne-Fiji emidlalweni yalo emithathu yokuqala futhi alizange lithole nelilodwa iphuzu.
Futhi bekuwumdlalo obekufanele ngabe ufudumeze inhliziyo yanoma yimuphi umlandeli wakuleli othanda ibhola lombhoxo. Abesifazane bakuleli abanesibindi abazange baphele amandla futhi abakaze bayeke ukulwa.
Umdlalo wabo bebhekene ne-Australia uyathembisa ukuthi uzokhumbuleka. Kungase kube umdlalo ogqamayo kulo mqhudelwano.
Kwabesifazane bamaBhokobhoko ayikho imidlalo elula. Ngemuva kwe-Australia bazotholana phezulu nelinye iqembu elinedondo yegolide i-Fiji ntambama.
Abesifazane bamaBhokobhoko bazobhekana ne-Australia ngo-10 ekuseni bese bebhekana ne-Fiji ngo-6.30 ntambama.
Umthombo wesithombe: @WomenBoks