Buka: Imbambela ihlasela isazi sokuma komhlaba esingenacala

Arthur Greene

Izimbambela zaseNingizimu Afrika, kubonakala sengathi azinankinga kakhulu uma ziqhathaniswa nezinye izilwane ezihlala ngaphansi kwamanzi.

Kuleli sonto, isazi sokuma komhlaba sase-Australia, uLance Karlson uhlaselwe imbambela ebithukuthele igane unwabu.

Lokhu kuhluke kakhulu kunendaba esayishicilele ekuqaleni kwale nyanga ekhuluma ngembambela yaseNingizimu Afrika ethandekayo futhi eyakha ubungani obuhle nomenzi wamafilimu uCraig Foster ethi-My Octopus Friend ku-Netflix.

Esinye sezigameko zesazi sokuma komhlaba sase-Australia esithwetshulwe ngevidiyo, sikhombisa lesi slwane sishaya le ndoda ngemisila yaso.

Esiqeshini semizuzwana eyisikhombisa, isilwane ebesithukuthele sigane unwabu sibonakale sizilungiselela ngaphambi kokuhlasela umthwebuli ngenxa yokusikhanyisa ngelambu.

UKarlson ubeseholidini olwandle oluseNtshonalanga ye-Australia futhi ubesezothatha idiphu ngesikhathi ebona lokho abecabanga ukuthi i-stingray ebihlasela inyoni yasolwandle. 

Utshele abezindaba zase-Australia i-7News ukuthi ngesikhathi esondela eduze nendodakazi yakhe eneminyaka emibili, wabona uhlaka olungaqondakali lwembambela wabe eseqala ukuqopha lesi silwane ngomakhalekhukhwini wakhe.

Lesi silwane siphinde samlandela futhi samshaya engalweni, ngaphambi kokumshaya entanyeni nasemhlane simshiya enemvimbo.

“Sihlaselwe imbambela, okuyinto esithuse kakhulu,” kusho uKarlson etshela i-Reuters.

Lesi silwane ebesithukuthele sigane unwabu siphinde sabuya ngemuva kokuthi uKarlson ethuthele kwelinye ebhishi, waphinde wangena emanzini – kodwa imbambela yamthola yaphinda yamshaya.

“Izibuko zami ziqale ukuba nenkungu, amanzi avele aswabuluka. Ngashaqeka futhi ngadideka,” esho.

UKarlson, owayengunogada, uthele i-cola phezu kwamanxeba.

Uthe ujwayele ukwelapha ukulunywa yizilwane zasolwandle ngoviniga, kodwa ubene-cola kuphela ayithele phezu kwamanxeba akhe.

Umthombo wesithombe: I-Youtube

Umthombo wevidiyo: @click_arun