Lubhalwe nguRorisang Modiba
UNgqongqoshe omusha wezeMidlalo, amaSiko nobuCiko, uGayton McKenzie uthembise ukwethembeka wadalula namagama alabo abahlomule emalini yomnyango ngesikhathi sokubheduka kweCovid-19.
Kulaba ababaliwe kukhona abaculi uZandile Khumalo, udadewabo uKelly Khumalo, uMakhadzi, nabanye abaningi.
UZandile Khumalo ungene ku-Instagram echaza ukuthi uthole u-R20,000. Uthe umnyango wacela ukuba bafake izicelo labo abalahlekelwe umsebenzi nemali ngesikhathi sobhubhane.
Wafaka isicelo, walandela imithetho, futhi waphumelela. UZandile naye encokola uthe uphoxekile ngokungawutholi u-R200 000 abewulindele.
UMakhadzi uphinde waphika izinsolo zokuthi uthole u-R203,000 womnyango ezinyangeni ezingu-14 ezedlule.
Ukukhishwa kwalolu hlu kudale ukuthi uMac G, ogama lakhe langempela uMacgyver Mukwevho, ube ngundabamlonyeni ku-X. Abantu abaningi baseNingizimu Afrika bamangala njengoba bebona ukuthi wathola u-R75,000 ngoba evame ukukhuluma kabi ngokuchema.
Kulolu hlu kukhona namagama adumile afana neRebecca Malope Foundation, uBusiswa Qqulu, uDumisani Mbebe, u-Arthur Mafokate nendodana yakhe, noBethusile Mcinga.
Abasebenzisa izinkundla zokuxhumana baphinde babona abaculi abaningi base-Nigeria ohlwini, okuhlanganisa no-Adetola John Aina, owaziwa ngo-Ola Sax, ohlomule u-R20,000.
Osesithombeni esingenhla: UZandile Khumalo.
Umthombo: X