Dylan Bettencourt
I-Stormers izokwamukela ama-Blue Bulls kowe-United Rugby Championship (i-URC) ngoMgqibelo kowamanqamu obekubonakala engathi ngeke kwenzeke ngezinyanga ezidlule.
➤ Ekuqaleni komqhudelwano we-United Rugby Championship izinto azihambanga kahle emaqenjini akuleli njengoba wonke amaqembu amane abelwela amaphuzu.
Kodwa-ke ikhefu eliphoqelelwe le-Covid-19 laletha izinguquko eziningi kwelakuleli.
Ama-Lions awakaze enze kahle kulo mqhudelwano kodwa ama-Sharks, ama-Stormers nama-Blue Bulls aqale ukuzimisela nokudlalela ukucosha amaphuzu.
Kusheshe kwacaca ukuthi amaqembu amathathu akuleli azohamba ibanga elide kulo mqhudelwano kodwa ukungena kowamanqamu kubonakale kungafinyeleleki.
La maqembu womathathu adlulele kowandulela owamanqamu kanti bekungenzeka ukuthi elinye lawo lingawunqoba lo mqhudelwano.
NgoMgqibelo leli phupho lingase lifezeke njengoba i-Stormers izokwamukela ama-Blue Bulls enkundleni i-DHL eKapa.
Ukuba namaqembu amabili kowamanqamu kwanele ukwenza isizwe sonke simamatheke.
Umdlalo uhlelelwe ukuqala ngo-7.30 ebusuku lapho izinhliziyo zizophuka khona uma sekuthweswa umqhele.
Umdlalo wamanqamu we-URC uzobukwa bukhoma kwi-DStv channel 201 no-211.
➤ I-Formula 1 ibuyela emuva emdlalweni kulandela umjaho we-Canadian Grand Prix obuse-Azerbaijan ngempelasonto edlule ngeSonto.
I-Red Bull isinqobe amahlandla amahlanu kulandelana ngeSonto eledlule ngesikhathi kunomjaho e-Baku futhi babona isicoco sizogcina kubona ngaphandle uma bezihlulekele bona.
Izimbangi zabo ezisondelene nabo i-Ferrari bezilokhu zehla kancane ngenxa yezinkinga zokwethembeka eziholele ekutheni abashayeli babo bobabili basule kwi-Grand Prix yokugcina.
UMax Verstappen noSergio Perez bahola isikhundla somshayeli we-Red Bull okwamanje futhi bayizintandokazi ukuwela umugqa wokuqeda ngaphambi kwe-pack kule mpelasonto.
Manje sekulele eqenjini lase-Italy ukuthi lizilwele liphinde lifakazele ukuthi linakho okudingekayo ukuze liphushe i-Red Bull ngeSonto futhi liqhubeke nokudlala ngokuzimisela kulezi zinsuku ezizayo.
I-Grand Prix ese-Montreal izoqala ngehora lesishiyagalombili ebusuku ngeSonto izodlala bukhoma kwi-DStv channel 215.
➤ Impi phakathi kwama-Proteas ne-India izofinyelela esiphethweni sayo kule mpelasonto njengoba elakuleli lihamba phambili ngamaphuzu amabili kwelilodwa.
Umdlalo wesine we-One Day International (i-ODI) phakathi kwezimbangi iwona obalulekile njengoba ama-Proteas engase awine uchungechunge lwemidlalo noma abasingathi kungayibona abaphethe uchungechunge lwemidlalo.
Elakuleli lidlulele phambili ngamaphuzu amabili eqandeni, kodwa i-India yathola iphuzu elilodwa ngoLwesibili okubanikeze ithuba lokulwa.
Ama-Proteas azobe enethemba lokusonga lolu chungechunge lwemidlalo ngoLwesihlanu kodwa i-India inethemba lokuthi izobuya ngendlela emangalisayo.
Womabili ama-ODI esine neyokugcina azoqala ngo-3.30 ntambama kanti azodlala kwi-DStv channel 201 no-212.
Umthombo wesithombe: @SARugbyMag
.
