Dalphine Tagwireyi
Umfundi oneminyaka engu-16 ubudala ofunda ibanga lesithupha esikoleni samabanga aphezulu e-Bethal uphakathi kwabasolwa abahlanu abavele eNkantolo ngoMsombuluko bebhekene namacala okubulala owesilisa kanye nokudlwengula abesifazane abathathu.
Laba abahlanu kusolakala ukuthi babe nokuhilizisana noJune Mwafor obeneminyaka engu-25 ongowokudabuka e-Nigeria e-Bethal ngoLwesihlanu ngomhlaka-17 kuNhlangulana.
UMwafor ugijime ebheke esiteshini sikaphethiloli ukuze abaleke eqenjini lezigelekeqe, kodwa bamulandela bamugwaza amanxeba amaningi ngaphambi kokuba bamushiye esimeni esibucayi waphuthunyiswa esibhedlela e-Bethal kodwa washona ngoMgqibelo.
NgoLwesihlanu ngemuva kwalesi sigameko abasolwa abahlanu bagasele emzini ose-Mzinoni badlwengula khona abesifazane abathathu.
Ngemuva kophenyo amaphoyisa abophe umfundi webanga lesithupha, kanye nabasolwa ababili abaneminyaka engu-17 kanye noMkhanyiseni Ncamu oneminyaka engu-29 noSunday Sibiya oneminyaka engu-24 endaweni abebecashe kuyo e-Mzinoni ngoMgqibelo ngomhlaka-18 kuNhlangulana.
Ngemuva kokuvela kafushane ngoMsombuluko eNkantolo yeMantshi yase-Bethal, laba abancane abathathu bagcinwe esitokisini kuze kube umhlaka-22 kuNhlangulana ukuze bafake isicelo sebheyili futhi bafake isicelo sokuthola ummeli.
UNcamu noSibiya bazovela ngomhlaka-29 kuNhlangulana ukuze bafake isicelo sebheyili.
Amaphoyisa ase-Mpumalanga athe aphenya ukuthi kungenzeka yini ukuthi laba abahlanu bayathinteka ebugebengwini.
UKhomishana wamaphoyisa e-Mpumalanga uLieutenant General Semakaleng Daphney Manamela uthe ukhathazekile ngezinga okutholakala ngalo abantu abasebancane beshayisana nomthetho esifundazweni.
“Ngifuna ukuqinisekisa umphakathi ukuthi amaphoyisa azoqhubeka nokusebenza ngokuzikhandla ukuze ahlakaze noma iziphi izinhlaka zobugebengu ezihlukumeza imiphakathi,” kusho uManamela.
“Buningi ubuhlungu obudalwa izinselelo ezehlukene esibhekene nazo kanti intsha ingakusebenzisa ngokwenza amathuba baveze imibono nezisombululo kunokuzifaka ebugebengwini.
“Sikhuthaza intsha ukuthi ijoyine i-Youth Crime Prevention Desk eziteshini zamaphoyisa zayo.”
.
