Dylan Bettencourt
Ingxabano ezungeze abagijimi besifazane ababizwa ngokuthi abasubathi be-intersex ibhekwe ngabomvu kwi-World Athletic Championships njengoba bekuyibo abagijima kakhulu kunabo bonke emjahweni owandulela owamanqamu we-200m yabesifazane.
UCaster Semenya wakuleli waba ngumsubathi wokuqala ukubizwa njengomsubathi onobulili obuhlukile kulandela ukudlala kwakhe okumangalisayo ku-800m eminyakeni eyishumi edlule.
I-World Athletics yethula imthetho evimbela abesifazane abanamazinga aphezulu e-testosterone ukuthi bangenele umjaho ka-400m kuya ku-1,500m.
Le mithetho yasungulwa ngo-2019 futhi isavumela abasubathi ukuthi baqhudelane emiqhudelwaneni yabo, kodwa kuphela uma bezimisele ukuphuza amaphilisi ehlisa i-testosterone.
Lokhu kuphoqe abasubathi abaningi abagijima u-400m ukuthi bangene emjahweni ka-200m okuyiwona ongcono.
UBeatrice Masilingi wase-Namibia ongumsubathi ongena ngaphansi kwalabo abathathwa njengabanobulili obuhlukile wangenela umjaho wamanqamu kuma-olimpiki nyakenye wawina umjaho wakhe ngemizuzwana engu-22.27.
U-Aminatou Seyni wase-Niger naye onesimo esisodwa wamangaza abantu ngokusheshe aqede kunabo bonke abahlungelwe isikhathi esingu-21.98.
UMengameli we-World Athletics uLord Sebastian Coe uthe imithetho ye-testosterone isazobuyekezwa.
Kuma-olimpiki e-Tokyo nyakenye omunye umsubathi uChristine Mboma waphula wonke amarekhodi amancane emjahweni wakhe ngaphambi kokuphuma isibili kowamanqamu we-100m kwabesifazane.
UMboma akekho kuma-World Championships alo nyaka ngenxa yokulimala.
UCoe uthe inhloso ye-World Athletics ukuba nesinqumo esizofaka wonke umuntu wesifazane kulo mncintiswano kungabi khona ovaleleka ngaphandle.
Yize abanye abasubathi abathathwa njengabanobulili obuhlukile bengene kumqhudelwano ka-200m, kodwa uSemenya ukuthole kunzima ukujwayela lokho.
Lo mdlali wakuleli uzongenela umjaho wabesifazane ku-5 000m ngokuhamba kwesikhathi kulo mqhudelwano ozobe use-Oregon eMelika.
Umthombo wesithombe:@TheTelegraph