Sandiso Phaliso
Bathi isigodi sabo sigcwele ubugebengu obusukela ekusetshenzisweni kwezidakamizwa ingakho bathathe isinqumo sokuzithathela umthetho bawubeke ezandleni zabo.
Kodwa uma bebhekana ngqo nezinswelaboya, izakhamuzi zase-Upper Mncuncuzo e-Khayamandi, e-Eastern Cape, zizithola ziboshiwe zingenayo imali yebheyili noma imali yokukhokhela ummeli.
Eminyakeni emibili edlule, izakhamuzi zanquma ukufaka imali ekhokhwa minyaka yonke engu-R500 umuzi ngamunye ngesikhathi kuboshwa omunye wabo ngokubandakanyeka ekuzithatheleni umthetho bawubeke ezandleni zabo.
Lo mbono waqhamuka ngemuva kokuboshwa kwezakhamuzi eziningi. Abanye bagcine behleli ejele izinyanga ngoba bengenayo imali yebheyili, nokuthola ummeli ozimele.
Sekuphele iminyaka emibili ezigamekweni ezintathu ezehlukene lezi zakhamuzi ziboshwa ngemuva kokuzithathela umthetho zishaye abantu ezibasola ngokwenza okubi.
Bathi budlangile ubugebengu endaweni kanti kudayiswa nezidakamizwa eziheha abadla izidakamizwa bakwezinye izindawo.
Isakhamuzi uSikhumbuzo Apleni uthe umphakathi usulahlekelwe ukubeka ithemba emaphoyiseni kanye nohlelo lwezobulungiswa.
Kuthiwa ngonyaka ka-2020, kwabulawa ibhungu kwathi abanye abathathu bashaywa umphakathi.
Ngonyaka ka-2021 abanye ababili bakhandwa ngamatshe bashona kwathi abayisikhombisa balimala, ngemuva kwezinsolo zokuthi bashaywa ngesenzo sobulungiswa.
Kwelinye icala, isakhamuzi uMnu uSinethemba Sigam, osolwa ngokubulala isihlobo sikasomabhizinisi ngemuva kokuhilizisana, uzoqhubeka nokuhlomula esikhwameni somphakathi kuze kube luyaphothulwa udaba lwakhe.
NgoLwesine abasolwa ngokushisa umlilo kubalwa uThandisile Selani oneminyaka engu-70, uMayekiso Maguwa-Zono oneminyaka engu-58, uMotwana Mpayipheli oneminyaka engu-69, uNohalala Mgutyana oneminyaka engu-38, uNosecond Mpayipheli oneminyaka engu-62 noLungiswa Tshabile banikezwe ibheyili ka-R500 okuyimali eyakhokhwa umphakathi.
Icala liyaqhubeka ngomhlaka-7 ngoNdasa, kanti abammeli babo bazokhokhelwa enye imali engu-R3,800 ezothathwa emalini yesikhwama.
UThandisile Saleni, ongumholi wendabuko, usolwa ngokushisa umuzi wabasolwa ngokudayisa izidakamizwa kanye namakhumbi ngomhlaka-13 kuMasingana.
Yize belikhipha umkhovu etsheni ngoLwesine olwedlule, izakhamuzi ziye enkantolo ziyoseka abasolwa abayisikhombisa.
Izakhamuzi zithi lo mdayisi osesuse imfuyo yakhe wayohlala kwesinye isigodi, uyena obenza ukuthi ubugebengu bungalawuleki e-Khayamandi.
“Izidakamizwa zibhebhethekisa ubugebengu futhi zidayiswa ngokukhululeka lapha. Asisaphephile endaweni yethu,” kusho u-Apleni.
“Sifaka imali ngoba akuthina sonke esikwazi ukukhokha imali yabameli neyebheyili.”