Elmon Tshikhudo
Idolobhana lase-Dambuwo e-Hanesengani e-Vuwani, e-Limpopo libone umsebenzi omkhulu wokwakha kule minyaka embalwa edlule futhi nokwebiwa kwempahla yokwakha kudlangile.
Umhlali wendawo uMaxwell Muntswu walahlekelwa yimpahla yokwakha ebiza ngaphezu kuka-R20 000 ngesikhathi amasela enqamula ucingo lwakhe ngo-2019.
UMuntshu, ohamba ngesihlalo esinamasondo, akakaze athole ukuthi ngubani owantshontsha impahla yakhe, kanti ukulahlekelwa kwakhe kumenze waqapha kakhulu.
UMaxwell ubesendleleni ebuyela ekhaya ephuma endaweni yokucima ukoma entathakusa yangoMsombuluko ngesikhathi ebona iveni ebilayishe impahla yokwakha inyamalala ezansi emgwaqeni.
“Bengisendleleni ebuyela ekhaya ngezithuba zabo-01:00 ngesikhathi sizithela kule veni ecinywe amalambu,” usho kanje.
“Unembeza uvele wangitshela ukuthi kukhona okungahambi kahle ngazama ukuyivimba kodwa iye yahamba ngesivinini. Siye sagijima sayilandela ngesikhathi sibiza amaphoyisa. Sikwazile ukuvimba iveni labo eduze kwebhilidi i-15 SAI Battalion Maunavhathu.”
Ekanye nomngani wakhe bakwazile ukuvimba amasela, aphoqeleke ukuthi ashiye iveni nezimpahla ezebiwe.
Ebuzwa ukuthi ubengathukanga yini, uMuntshu usheshe wakuveza ukuthi akalona igwala.
“Ngo-2017 ngadutshulwa ngezinhlamvu ezingu-16 emzimbeni wami ngesikhathi ngivikela umndeni wami ezigebengwini ezihlomile. Ngenhlanhla akekho owashona kodwa ngahlala cishe iminyaka emibili esibhedlela. Lokhu kungenze ngazimisela kakhulu ukulwa nobugebengu,” kusho uMuntswu.
Inkosi yendawo uMusanda Ramukhuba uthe akeneme neze ngobugebengu esigodini sakhe.
“Ubugebengu bufana nameva esigodini sangakithi. Sesike saba nezigameko eziningi zokuntshontshwa kwempahla yokwakha lapha esigodini sangakithi esisha. Inhliziyo yami iyopha uma abantu bami, abenza konke okusemandleni ukuthuthukisa impilo yabo, bentshontshelwa izigebengu ezingenanhliziyo,” usho kanje.
“Sake saba nalokhu phambilini futhi saqala ukuqapha banqamuka ubugebengu. Manje amasela ayazi ukuthi akusekho ukuqapha futhi aseqale phansi. Siyethemba ukuthi umthetho uzothatha indawo yawo futhi izigebengu zizokhokha izono zazo.”