Razeen Gutta
I-Leeds United iwine ngamagoli amabili kwelilodwa ekuhambeni ibhekene neBrentford ukuze ihlale ku-Premier League njengoba i-Burnley iwele esigabeni sokugcina ngokuhlulwa i-Newcastle e-Turf Moor.
UCallum Wilson ushaye igoli elehlisela i-Burnley kwi-Championship ngemuva kokuhlala iminyaka eyisithupha kwi-Premier League.
Umphumela wenze u-Eddie Howe washintsha ngendlela emangalisayo kanti i-Newcastle iqembu aliphatha lisuka phansi ngoMasingana waqeda endaweni yeshumi nanye.
Umdlalo uqale ngendlela enzima eqenjini i-Burnley njengoba ibhola elithinte isandla sikaNathan Collins linikeze izivakashi iphenathi ngemizuzu engu-20.
UWilson ulibeke eceleni kwathi i-Leeds yahamba phambili ngasekuqaleni kwesiwombe sesibili ngoRaphinha enkundleni yezemidlalo yase-Brentford okubabeke endaweni ephambili.
UWilson uphumelele kabili ngehora kwi-Burnley ngemuva kokuthi u-Alan Saint-Maximin ehole i-counter attack ehlikihla usawoti enxebeni labalandeli basekhaya.
USergi Canos ulinganisele iqembu lakhe i-Brentford ngaphambi nje kwehora ukuze alinikeze inhlansi yethemba e-Lancashire. UMaxwel Cornet ube esebuyisela i-Burnley ithemba langempela lokuthi bangakwazi ukuguqula izinto e-Turf Moor.
Umdlali owinise i-Leeds uJack Harrison oshayele isipikili sokugcina kwi-Burnley oshaye into ecokeme ngomzuzu wokugcina e-Brentford nokuvikela iqembu lakhe ukuthi lihlale esigabeni esiphezulu.
Imidlalo yombili iphele ngamagoli amabili kwelilodwa kwasho ukuthi i-Burnley izojoyina i-Watford ne-Norwich kuma-Championship. Kuzothathwa i-Fulham Bournemouth kanye ne-Huddersfield noma i-Nottingham Forest ikhushulelwe kwi-Premier League ngesizini ezayo.
Umthombo wesithombe :@Sportbible
.
