Lubhalwe nguRazeen Gutta
Umdlali we-Liverpool odlalela abangaphansi kuka-15 uGabriano Shelton usebizwe eqenjini lokuqala lakuleli ngumqeqeshi uDuncan Crowie ngaphambi kwe-Africa Cup of Nations yabaneminyaka engaphansi kuka-17.
Ngonyaka odlule lo mdlali oneminyaka engu-16, ongukaputeni we-Liverpool kubadlali abasebancane waveza ukuthi ufuna ukudlalela iBafana Bafana hhayi i-England okuyizwe azalelwa kulo.
“Ngifuna ukunikwa ithuba lokudlalela iNingizimu Afrika,” kusho uShelton ekhuluma emsakazweni i-Metro FM ngoLwezi.
“Ngicabanga ukuthi ngifuna ukudlalela iNingizimu Afrika ngemuva kokubona indlela abadlali base-England nabazalelwa e-United Kingdom abaphathwa ngayo ngemuva kokugeja amaphenalthi. Iqembu lakuleli engilikhonzile i-Orlando Pirates kanti umdlali engimthandayo nguPercy Tau.”
Umqhudelwano we-Afcon wabaneminyaka engaphansi kuka-17 uzoqala mhlaka-29 kuMbasa e-Algeria, njengoba elakuleli liku-Group B kanti lifakwe ne-Nigeria, i-Morocco ne-Zambia.
Isikwati sokugcina seBafana Bafana sizomenyezelwa ngomhlaka-15 kuMbasa.
Iqembu lokuqala kuzofakwa:
Onozinti: UTakalani Mzhawana weKaizer Chiefs, uGennaro Johnson we-Cape Town Spurs, uKyle Jansen we-Atlanta United USA
Abadlali basemuva: UKhosa Manyama we-Cape Town Spurs, UGabriano Shelton we-Liverpool yase-England, uKeitumetsi Lesia weSupersport United, uWaylon Renecke we-Norwich yase-England, uBenjamin Wallace weSupersport United, uBonginkosi Phala we-Getafe yase-Spain, uVincent Sithole weMamelodi Sundowns, uTyler Cecero weStellenbosch, uNeo Rapoo weSupersport United noThato Sibiya weMamelodi Sundowns.
Abadlala esiswini: UXolani Tshaka we-Orlando Pirates, uSfiso Timba weKaizer Chiefs, uGomolemo Kekana weTS Galaxy, uVicky Mkhawana weKaizer Chiefs, u-Aphelele Mkhize weMaritzburg United, uXavier Jodamus we-Ubuntu Academy, uThuto Mojanang we-Feyenoord Holland noDhakier Lee we-Cape Town Spurs
Abagadli: UMichael Dokumnu we-Vitesse yase-Holland, u-Orifha Bright we-Naubelo Capital City, uBennet Mokoena weMamelodi Sundowns, u-Aaron Sloch Rydell we-Nordsjaelland Denmark, uGabriel Amato weCape Town City, uLucas Jetten we-Ajax Amsterdam Holland, uTyrese Davids weSupersport United, u-Ofentse Kgosana weKaizer Chiefs, noSiyabonga Mabena weMamelodi Sundowns
Isithombe esingenhla: UGabriano Shelton
Umthombo wesithombe: @princesobayeni1