Ashu! Amaphoyisa ebamba iveni ebithwele utshwala obuningi

Kabelo Tlhabanelo

Ukuzama ukuhambisa utshwala ngeveni buye endaweni ephephile kuvele kwaba wumsebenzi obiza kakhulu.

I-Tops yase-Harrismith, e-Free State, ilahlekelwe amalitha angaphezu kwayi-850,000 kabhiya ne-cider.

Futhi umshayeli wemoto uhlawuliswe imali eyizi-R5,000.

Amaphoyisa amise i-Nissan NP200 yenkampani ngoLwesibili ekuseni kwaboshwa umshayeli oneminyaka engama-57.

Umshayeli ongathandanga ukudalulwa igama uthe utshwala bebuhanjiswa endaweni ephephile.

“Sibe nezinkinga nge-alamu ebiqhubeka nokukhala esitolo futhi notshwala bebungaphephile,” kusho umsebenzi etshela abakwa-Scrolla.Africa.

“Utshwala bebuyiswa endaweni yokugcina impahla ngenkhathi amaphoyisa emisa iveni.”

Uthe amaphoyisa abengafuni ukulalela udaba lwakhe kanti kuthathwe iveni notshwala.

“Iqiniso ukuthi utshwala abuzange buthengiswe,” uyasho.

Okhulumela amaphoyisa u-Colonel Thandi Mbambo uthe utshwala obufinyelela kumalitha ayizi-871,680 buthathiwe kanye neveni yenkampani.

UMbambo uthe: “Ngomhla ziyi-19 kuMasingana ngabo-10: 30, i-Harrismith Visible Policing yalunywa indlebe ngomuntu owayehambisa utshwala esebenzisa iveni yenkampani. Utshwala lobu buthuthwe bususwa esitolo esidayisa utshwala i-Tops bayiswa endaweni engaziwa. Imoto ibonakale ihamba ku-Stuart Street kanti kutholakale ukuthi ibilayishwe utshwala. Le ndoda eneminyaka engama-57 yahlawuliswa imali eyizi-R5,000 ngokuphula umthetho we-Disaster Management Act Covid-19.”

Isithombe: ngabakwa-SAPS