Dylan Bettencourt
I-Wales izitholele indawo eNdebeni yoMhlaba ezoba se-Qatar ngasekupheleni konyaka ngokunqoba i-Ukraine ngegoli elilodwa eqandeni ngeSonto ebusuku.
I-Ukraine yathunyelelwa ifulege lamasosha esizwe ngethemba lokuthi lizokhuthaza iqembu ukuba lifeze lokho abaningi ababecabanga ukuthi angeke likwazi ukukufeza.
Ukwesekwa bekubukeka kubasebenzela njengoba bebedlala ngokuzimisela kakhulu nobekukhombisa ukuthi igoli bangalishaya noma inini.
Nokho kube iqembu le-Wales elishaye igoli kuqala nge-free-kick kaGareth Bale.
Lo mdlali wasemuva ubeke ibhola endaweni eyingozi ebhokisini okuphoqe u-Andriy Yarmolenko wase-Ukraine ukuthi azame ukulichiliza ngekhanda kanti uzolifaka enethini.
UYarmolenko kanye ne-Ukraine babukeke bekhungathekile futhi bahlukumezeke ngesiwombe sokuqala njengoba i-Wales ibibheke ukuphinda igoli lesibili.
I-Ukraine iphume ngesiwombe sesibili njengoba i-Wales ibihlasela ngendlela eyisimanga isivikela leli goli elilodwa.
I-Wales kumele ibonge unozinti wayo ngokubayisa eNdebeni yoMhlaba yokuqala kusukela ngo-1958.
UWayne Hennesy uvimbe amagoli amaningi epalini njengoba i-Ukraine izame amahlandla angu-20.
Isiwombe sesibili besishubile siphethwe i-Wales njengoba i-Ukraine ibibheke ukulinganisa umdlalo ukuze idlulisele umdlalo esikhathini esengeziwe.
Kepha i-Wales yabambelela ukuze igcine indawo yayo e-Qatar.
Njengoba umhlaba wonke ububaseka i-Ukraine izizwa sengathi ibifanelwa umphumela ongcono enkundleni i-Cardiff City.
Bazozizwa behlulekile ngemuva kwesinqumo sesiwombe sokuqala esiphikisane nabo lapho izithende zikaYarmolenko zitholakale ebhokisini.
I-Virtual Assistant Referee (VAR) isibhekile isigameko futhi yanquma ukuthi inganikezi i-Ukraine iphenathi.
Ebusuku i-Ukraine ibiyiqembu elingcono, kodwa ngemuva kokwehluleka ukuhlula i-Wales iphupho labo lokuhlungela i-Qatar lishabalele.
Ngaphezu komphumela ukudlalo ngokuzimisela kwe-Ukraine kumangaze abantu abaningi ngemuva kwento abadlula kuyo yokuhlaselwa i-Russia ngomhlaka-24 kuNhlolanja.
Imizuzu engu-90 ibhekene ne-Scotland yaphinde yabhekana ne-Wales abadlali base-Ukraine nezwe lonke bathe ukukhohlwa kancane ngempi yabo ne-Russia bagxile eqenjini labo lebhola.
Umthombo wesithombe: @CBSSportsGolazo
.
