Lucky Sithole
Njengoba bekulindelekile ama-Blitzboks ayiwine yonke imidlalo emithathu ye-pool ngosuku lokuqala lwe-HSBC Sevens e-Vancouver futhi lolu bekuwusuku lwabo oluhle.
USelvyn Davids uthe ekuqaleni kwesonto ngemuva kokudlala kabi kwe-Blitzboks e-Singapore bebengacabangi ngokuwina izindebe.
“Besingacabangi ngesiliva, kodwa besibheke ukudlala imidlalo ye-HSBC sevens kuphela,” kusho uDavids.
Uma sikhuluma iqiniso besifakwe emidlalweni onzima kunawo wonke.
Ukuqagela ukuthi bazoshaya i-Spain ne-Argentina akubenzi bafane ne-Nostradamus yebhola lombhoxo futhi uma behlulwa i-Australia basangakwazi ukungena kowamanqamu.
Bekuyindlela abenza ngayo ebibalulekile. Kuyo yonke le midlalo emithathu bebebonakala behlise amaphapho phansi bekhombisa ukuzimisela nokufisa ukuwina le midlalo emithathu.
Ngemuva kokuqala komdlalo bedlala ne-Spain bathole ama-try amahlanu bakwazi ukudedela amabili.
Umugqa wamagoli wokugcina wenze kwabukeka kuseduze kakhulu kunalokho obuyikho njengoba i-Spain ishaye i-try yokududuza ngemuva kokuthi isikhathi somdlalo sesivele sibhalwe ngokubomvu emizuzwini engu-15.
Ama-Blitzboks abelandela ngemuva emdlalweni wawo ne-Canada kwaze kwaba umzuzu ka-13 lapho uSelvyn Davids eshaya i-try yokuwina.
Isizwe ebesisingethe lesi sicoco sivuke umbhejazane kodwa ngandlela thize kwabonakala sengathi iNingizimu Afrika izonqoba.
Umdlalo ne-Australia ubulindelwe njengokuhlolwa kwekhemikhali ethize futhi uvele wanjalo. Emuva kwemizuzu eyisishiyagalolunye iNingizimu Afrika ishaye ama-try amabili kwathi i-Australia yashaya amathathu kanti ama-Blitzboks abebukeka esengcupheni yokulahlekelwa umdlalo njengoba abelandela ngemuva ngamaphuzu ayisikhombisa.
Ngemuva kwalokho uZain Davids ushaye i-try ngamandla kanti uJC Pretorius washaya igoli kusasele umzuzu owodwa ukuze iNingizimu Afrika inqobe ngamaphuzu amathathu.
NgeSonto ngehora lesishiyagalolunye ngesikhathi saseNingizimu Afrika izodlala ne-Samoa kuma-quarter final. Ngethemba lokuthi bazophumelela
INingizimu Afrika inamaphuzu angu-31 kanti i-Spain inamaphuzu angu-12.
ENingizimu Afrika abashaye ama-try nguDarren Adonis, uSiviwe Soyizwapi (2), uDewald Human, u-Impi Visser bashaye ama-conversions amathathu.
E-Spain abashaye ama-try nguDuardo Lopez, kwathi uTiago Romero washaya i-conversion eyodwa.
INingizimu Afrika ithole amaphuzu angu-19 i-Canada yathola angu-14
ENingizimu Afrika abashaye ama-try nguJC Pretorius, uRonald Brown, kwathi uSelvyn Davids washaya ama-Conversions amabili.
E-Canada abashaye ama-try uDavid Richard, kwathi uCooper Coats washaya ama-Conversions amabili.
INingizimu Afrika ithole amaphuzu angu-22 kanti i-Australia ithole angu-19.
ENingizimu Afrika abashaye ama-try nguRonald Brown (2), uZain Davids, kwathi uJC Pretorius washaya i-conversions eyodwa.
E-Australia abashaye ama-try nguBen Marr, uMatthew Gonzalez, kwathi uNick Malouf washaya ama-Conversions amabili.
.
