Lubhalwe nguRazeen Gutta
Igoli elishawe ngesikhathi esengeziwe likaLautaro Martinez liqinisekise ukunqoba kwe-Argentina ihlula i-Colombia kowamanqamu e-Copa America ngeSonto e-Hard Rock Stadium e-Miami.
Umdlalo ubambezeleke imizuzu engu-80, abalandeli abaningi abebenamathikithi bengangeni enkundleni abanye abalandeli bebengena bengenawo amathikithi.
Naphezu kokulimala kukaLionel Messi, okumphoqe ukuthi awushiye umdlalo ngemuva kwehora, i-Argentina ikwazile ukunqoba kowamaqamu e-Copa America.
I-Colombia ibizimisele ngesikhathi umdlalo usanda kuqala kanti uJhon Cordoba ushaye ipali ezama ukushaya igoli.
Nokho umdlalo wabo wokungahlulwa emidlalweni engu-28 uphele esikhathini esengeziwe njengoba womabili amaqembu abesekhathele.
UMartinez, odle isicathulo segolide kulo mqhudelwano ushaye igoli elingumnqamulajuqu ngomzuzu ka-112, lakhalisa uMessi izinyembezi zenjabulo.
Lokhu kunqoba kwengeza empumelelweni yakamuva ye-Argentina, okuhlanganisa nokunqoba kwayo iNdebe yoMhlaba e-Qatar.
Isithombe esingenhla: I-Argentina ibungaza ukunqoba kwayo.
Umthombo: @copaamerica