Enyangeni kaNhlangulana nyakenye umqeqeshi weBafana Bafana uHugo Broos wagxeka izinga labadlali bebhola bakuleli kodwa kungenzeka ukuthi waba nephutha, kubhala uMichael Madyira.
Lo mqeqeshi wase-Belgium ubethukuthele eveva ngemuva kokuthi iqembu lakhe lihlulwe e-Morocco emdlalweni wokuhlungela i-Africa Cup of Nations ka-2023. Ayidlalanga kahle ezingeni lokuncintisana le-Premier Soccer League (PSL).
Ngemuva kwezinyanga ezinhlanu, uBroos waphinde wabuya wagxeka abadlali be-PSL ngokuntula izinga eliphezulu lokudlala kwiligi.
Kulokhu elakuleli lidlale umdlalo olinganayo (1-1) ne-Angola emdlalweni wobungani wamazwe ngamazwe.
Ngokwezinga elithile, amazwi alo mqeqeshi owake waba ngumqeqeshi we-Cameroon abefanelekile uma kubhekwa indlela abadlali beBafana abadumaza ngayo ngezinye izikhathi abalandeli babo.
Kodwa manje cishe ngemuva konyaka agxeka isimo sebhola lakuleli, uBroos angase agwinye amazwi akhe.
Amaqembu amabili akuleli asefinyelele kowandulela owamanqamu emiqhudelwaneni yamaqembu e-CAF.
IMamelodi Sundowns izobhekana nompetha abavikela i-CAF Champions League – iWydad Casablanca emdlalweni yokugcina emine.
Abagcinanga ngokudlulela kulesi sigaba, kodwa bakwenze ngendlela emangalisayo ngesikhathi begingqa ompetha base-Algeria i-CR Belouizdad.
Emqhudelwaneni we-Confederation Cup, iMarumo Gallants edliwe yizembe ku-PSL ishaye into ecokeme ngokungena kowandulela owamanqamu.
IMarumo ingase ihlule i-Leicester City njengoba ilwela ukuba yiqembu lokuqala lakuleli ukunqoba lo mqhudelwano.
I-Orlando Pirates isihlulwe kabili kowamanqamu we-Confederation Cup kanti iSuperSport United nayo isifinyelele kuleso sigaba esibalulekile. Njengamanje i-Gallants izama ukuphumelela njengoba amaqembu e-PSL ehlulekile phambilini.
Leli yiqembu elilwela ukuthi lingahlulwa ekhaya, kodwa belilokhu lihlukumeza izimbangi zalo esezibhekwe ngabomvu ezweni.
Ukugijima kwabo e-Afrika kanye neSundowns kususa ukungabaza kokuthi i-PSL ingenye yamaligi ahamba phambili ezwenikazi.
Noma ngabe iGallants neSundowns bayahluleka ukufinyelela kowamanqamu emiqhudelwaneni yabo ye-CAF, kodwa bazobe bekhombisile ukuqina kweligi yakuleli.
Sinethemba lokhuthi iSundowns neGallants izokwenza uBroos ayeke ukuba nezaba uma iBafana ihluliwe futhi ayeke ukwenza i-PSL ibe indawo yakhe yokucasha.
Isithombe esingenhla: Umvikeli weMarumo Gallant u-Ismael Toure
Umthombo wesithombe: Marumo Gallants