Lubhalwe nguMichael Madyira
Amaqembu ayisikhombisa ase-Southern Afrika azibekisele indawo ku-Afcon 2025, ngaphezu kwanoma yiziphi ezinye izifunda zase-Afrika.
IBotswana neMozambique babambe izindawo ngemizuzu yokugcina ngemiphumela emqoka.
Isifunda seCosafa sizothumela ingqophamlando yamaqembu ayisikhombisa ku-Africa Cup of Nations ka-2025 ngemuva kokuba iBotswana ibambe indawo yokugcina ngoLwesibili.
I-Zebras, eholwa umqeqeshi waseNingizimu Afrika uMorena Ramoreboli kanye nomdlali owake waba ngumdlai wasemuva weKaizer Chiefs, uThatayaone Ditlhokwe, babambe i-Egypt ngo 1-1 e-Cairo nokuze ifinyelele ku-Afcon okwesibili.
I-Mozambique iphinde yadlula ngo 2-1 ekuhambeni ishaya i-Guinea-Bissau yaqeda endaweni yesibili ngemuva kweMali kuGroup I.
Bajoyine iNingizimu Afrika, i-Zambia, i-Zimbabwe, i-Angola ne-Comoros ekuqopheni umlando, iCosafa isinamaqembu amaningi kowamanqamu kunemidlalo eyisithupha yaseNtshonalanga Afrika yokuhlunga.
I-North Afrika ne-Central Africa iqembu ngayinye inamaqembu amane azoya e-Morocco ka-2025, kuthi i-East Afrika (Cecafa) ithumele amaqembu amathathu i-Uganda, i-Sudan ne-Tanzania.
Amaqembu angenile ngokwesifunda:
I-Cosafa: INingizimu Africa, i-Angola, i-Zimbabwe, i-Zambia, i-Mozambique, i-Botswana ne-Comoros.
I-WAFU A & B: i-Nigeria, i-Senegal, i-Ivory Coast, i-Mali, i-Benin, ne-Burkina Faso.
I-UNAF: i-Morocco, i-Egypt, i-Tunisia, i-Algeria.
I-UNIFFAC: i-Cameroon, i-DR Congo, i-Equatorial Guinea ne-Gabon.
I-Cecafa: i-Uganda, i-Sudan, i-Tanzania.
Esithombeni esingenhla: Umgadli weBafana Bafana u-Iqraam Rayners uzame ukuqhela kuWilliam Gama wase-South Sudan.
Umthombo: Bafana Bafana