Sizwe Sibiya
Abaculi ababili baseNingizimu Afrika abadume ngokuzibiza ngeMajor League DJz baqokwe kwi-BET ye-Best International Act.
Kusukela ku-hip hop kuya ku-afro-house kanye namapiano i-Major League DJz ibe nesandla ekukhuleni kohlobo lo mculo ngalunye eNingizimu Afrika eminyakeni edlule.
Izelamani ezingamawele uBandile noBanele Mbere – abakha i-Major League DJz bebekhangisa amapiano akuleli phesheya ngezinhlelo zabo zomhlaba wonke i-Balcony Mix Live Experience ebanjelwa ezindaweni zase-UK.
Kuma-Balcony Mixes kunabanye abaculi abafana noYoung Stunna abaqokwe emkhakheni we-Viewer’s Choice we-BET Awards Best International Act.
La mawele aneminyaka engu-31 azalelwa e-Boston eMelika, kodwa akhulela e-Gauteng lapho asungula khona iqembu loDJ. Laba bobabili baqokwe ngendondo ye-BET kanye noLittle Simz wase-UK noTems base-Nigeria abaqokwe emkhakheni we-Best New Artist.
I-albhamu yokugcina ye-Major League ethi Outside enengoma yamapiano ethi Bakwa La ehlanganisa noNvcho Mthandos no-C4 DJs yakhishwa ngoZibandlela nyakenye.
Khonamanjalo umculi wengoma ethi Adiwele uYoung Stunna oqeqeshwa nguDJ Kabza De Small kanye noDJ Maphorisa naye wamukelwa i-BET ngemuva nje kokuba i-Amplified International Artist of the Month ngoNhlaba.
Umthombo wesithombe: Instagram