Razeen Gutta
I-Chelsea izimisele ngokuthenga abadlali basemuva uKalidou Koulibaly noNathan Ake futhi usukhishiwe umbiko wokuthi bazojoyina leli qembu. Khonamanjalo uKeegan Allan usayine kwi-Moroka Swallows kanti uThulani Hlatshwayo yena udlulele kwi-Supersport United.
E-Europe
Ngemuva kokuhamba kuka-Antonio Rudiger no-Andreas Christensen, uThomas Tuchel ubukeka ezoletha uKoulibaly no-Ake e-Stamford Bridge ngokusho kwemibiko eminingi.
U-Ake owaphothula esikhungweni semfundo ephakeme se-Chelsea kuthiwa ukhokhelalwa imali elinganiselwa ku-R800 million kwi-Manchester City kanti izingxoxo zikakaputeni we-Senegal uKoulibaly zisaqhubeka. Futhi njengoba lo mdlali oneminyaka engu-31 ubudala esele nonyaka nje kuphela kwinkontileka yakhe ne-Napoli amahlebezi athi angase atholakale endaweni ethile ngenani lika-R680 million kuleli hlobo.
Umdlali oyedwa obonakala engazimisele ngokufudukela e-London nguMemphis Depay. Lo mdlali wase-Netherlands ukuchithile ukuthi uzoya kuwo womabili amaqembu i-Arsenal ne-Spurs, kodwa kusobala ukuthi usafuna ukusuka kwi-Barcelona enenkinga yezimali. Intengo yakhe ingu-R340 million futhi izoheha amaqembu e-Champions League kulo lonke elase-Europe.
Njengoba esele e-London isihlabani se-Crystal Palace uWilfried Zaha ushiywe ngaphandle esikwatini sangaphambi kwesizini esiye e-Singapore kuleli sonto. Lo mdlali wasesiswini wase-Ivory Coast ukhonjwa indlela kwi-Roman.
Edlulela e-Spain uLuis Suarez usephenduke umdlali ozodayiswa mahhala ngokusemthethweni ngemuva kokuphelelwa isikhathi kwinkontileka yakhe ye-Atletico Madrid.
USuarez ngokwakhe uveze ukuthi usezitholile iziphakamiso emaqenjini ase-Spain naku-MLS. Nokho uthe okumqoka kuye ukuba sethubeni elihle lokungena eqenjini lamazwe elizodlala kwi-Fifa World Cup e-Qatar ngasekupheleni konyaka.
Omunye odayiswe mahhala e-Europe osesayine isivumelwano uPaul Pogba obuyele kwi-Juventus ngemuva kokuphela kwenkontileka yakhe ne-Manchester United.
Lo mdlali oneminyaka engu-29 ubudala wajabulela iminyaka emine e-Italy ngaphambi kokudluliselwa kwerekhodi lakhe kwi-Manchester United ngo-2016 futhi uzothemba ukuthi ukubuya kwakhe kuzovuselela ifomu yakhe ngaphambi kokuvikela iNdebe Yomhlaba yase-France.
E-Afrika.
I-Moroka Swallows isisayine isivumelwano nomdlali oneminyaka engu-21 ubudala uKeegan Allan. Lo mdlali wasemuva weNyuvesi yasePitoli ubebhekwe ngabomvu amaqembu ase-Italy kanti manje usesayine inkontileka yeminyaka emibili neqembu likaDylan Kerr.
Owayengukaputeni weBafana uThulani Hlatshwayo naye usehambile, njengoba lo mdlali oneminyaka engu-32 ubudala ehlangane noGavin Hunt kwi-Supersport United. Ngemuva kokunqoba izicoco eziningi ndawonye kwi-Bidvest Wits laba bobabili banethemba lokuthi bazokwenza okufanayo kwi-United ngemuva kokumenyezelwa kwenkontileka yonyaka kuleli sonto.
Khonamanjalo, e-Soweto i-Kaizer Chiefs ithole abagadli abathathu okukhona kubo uWayde Lekay, uMusa Kamara noBonfils-Caleb Bimenyimana abajoyine Amakhosi ukuvala isikhala sikaLeonardo Castro noSamir Nurkovic.